1 qershori, Avokati i Popullit: Fëmijët investimi më i rëndësishëm, dhuna dhe abuzimi ndaj tyre ende një shqetësim, duhet të adresohet me seriozitet

Avokati i Popullit dhe Komisionerja e seksionit të mbrojtjes dhe promovimit të të drejtave të fëmijëve i kanë uruar ata me rastin e 1 qershorit.

Përmes një postimi në rrjetin social Facebook, Avokati i Popullit shkruan se me rastin e 1 qershorit, kanë theksuar faktin se duhet të rritet vëmendja ndaj fëmijëve dhe të drejtave të tyre në Shqipëri.

Në postim shkruhet se fëmijët janë investimi më i rëndësishëm i një shoqërie përtej çdo aspirate e kalkulimi politik, ekonomik a gjithçka tjetër.

Sipas Avokatit të popullit, dhuna dhe abuzimi ndaj fëmijëve sikurse dëshmohet edhe nga raportet ende është një shqetësim i madh.

“Avokati i Popullit do të jetë përherë përkrahës i ndryshimit rrënjësor të mjedisit jetësor ku rriten sot fëmijët e po ashtu do të nxisë e shtyjë përpara çdo nismë që mëton përmirësimin e asaj çka i pret fëmijët e së ardhmes.

Gëzuar pra 1 Qershorin të gjithëve, fëmijëve të sotëm e atyre të djeshëm!”, shkruhet në fund të postimit.

TAG:
• Femije
• 1 Qershori
• tritan kalo

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë