POP 5

Lajmet më të lexuara të 5 minutave të fundit

Politikë

Tërmetet në Turqi e Siri, Shqipëria shpall 13 shkurtin ditë zie kombëtare

13 shkurti, do të jetë një ditë zie kombëtare në Shqipëri, si një shenjë solidariteti për Turqinë, e cila i ka qëndruar pranë vendit tonë, kur po përjetonim të njëjtën situatë.

Tërmetet në Turqi e Siri, Shqipëria shpall 13 shkurtin ditë zie kombëtare

Foto e publikuar nga kryeministri Edi Rama

TIRANË- 13 shkurti, do të jetë një ditë zie kombëtare në Shqipëri, si një shenjë solidariteti për Turqinë, e cila i ka qëndruar pranë vendit tonë, kur po përjetonim të njëjtën situatë. Vendimi është marrë ditën e sotme nga qeveria shqiptare, e ndërsa u bë i ditur nga kryeministri Edi Rama. Kryeministri thotë se në këtë ditë ulja e flamurit në gjysmështizë dhe ndezja e qiriri, do të ishte më e paktë ç’mund të bënte Shqipëria për një vend mik, si Turqia.

“Qeveria Shqiptare ka vendosur që e hëna, 13 shkurt, do të jetë ditë zie kombëtare në shenjë dhimbjeje e lutjeje për viktimat e tragjedisë së madhe të tërmetit në kufirin turko-sirian, si edhe në shenjë solidariteti me Turqinë mike, e cila na u gjend pranë kur një fatkeqësi e ngjashme goditi Shqipërinë pak kohë më parë. Ulja e flamurit kombëtar në gjysmë shtize dhe ndezja e një qiriri nga çdonjëri sipas dëshirës e mundësisë, do të jenë shenjat kuptimplota të një të hëne të shenjuar prej dhimbjes njerëzore e solidaritetit popullor që i kapërcejnë kufijtë tanë”, thuhet në njoftimin e qeverisë.

Ky vendim erdhi si pasojë e tërmeteve të fuqishme që u regjistruan në Turqi dhe Siri, ku deri më tani janë konfirmuar mbi 22 mijë viktima, mijëra të plagosur dhe qytete të rrafshuara. Ndërkohë më herët, edhe Kosova u solidarizua Turqinë dhe Sirinë, ku shpalli ditë zie 8 shkurtin.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Liku: 11/02/2023 02:30

    Me gjithe dhimbjen per popullin turk dhe sirjan qe e permendin pak çpune ka shqiperia me zi kombetare apo e konsideron Rama Shqiperine pjese te perandoride me ne krye Sulltanin Erdoga!

    Përgjigju
  • zari: 10/02/2023 21:48

    ngushellime popullit turk,,,,,por edhe pak vete e kane fajin sepse votojne nje qeveri te korruptuar,,qe i merr taksat popullit dhe nuk zbaton rregullat ne ndertim......ndertojne pa standarte europiane,,,me kollona betoni shume te holla per peshen e pallatit...

    Përgjigju
  • One: 10/02/2023 20:32

    Wtf me gjithe respektin per fatkeqesine dhe viktimat, por cfare lidhje ka kjo me kombin ?!

    Përgjigju
    • Poli: 11/02/2023 00:38

      Ka si nuk ka. Me komin e Rames. Kemi zgjedhje dhe turkofaget i kane me qef keto pune.

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit