POP 5

Lajmet më të lexuara të 5 minutave të fundit

Kosova & Rajoni

14 mijë euro gjoba për partitë që nuk respektojnë masat anti-Covid

Ende nuk ka nisur zyrtarisht fushata zgjedhore për zgjedhjet e parakohshme të 14 Shkurit në Kosovë, por partitë kryesore në vend kanë marrë tashmë gjoba për mosrespektim të masave kufizuese. Inspektorati i Komunës së Prishtinës, nga 11 janari  ka vendosur rreth 14 mijë euro gjoba ndaj subjekteve politike.

14 mijë euro gjoba për partitë që nuk respektojnë masat anti-Covid

Foto ilustruese

Ende nuk ka nisur zyrtarisht fushata zgjedhore për zgjedhjet e parakohshme të 14 Shkurit në Kosovë, por partitë kryesore në vend kanë marrë tashmë gjoba për mosrespektim të masave kufizuese. Inspektorati i Komunës së Prishtinës, nga 11 janari  ka vendosur rreth 14 mijë euro gjoba ndaj subjekteve politike.

Drejtori i Inspektoratit të Prishtinës, Adonis Tahiri, kishte paralajmëruar partitë politike se nëse nuk i respektojnë masat anti-Covid, do të gjobitën në shumën prej 2 mijë eurove, ashtu siç është e paraparë në Ligjin për parandalimin dhe luftimin e pandemisë.

Më 11 janar,  u njoftua se e para parti që kishte marrë gjobë ishte Lidhja Demokratike e Kosovës. Pas gjobës së LDK, ai bëri thirrje për respektim të masave, por sërish nuk u dëgjua.

“Iu bëjmë thirrjeve subjekteve politike që të respektojnë ligjet dhe vendimet që vet i kanë votuar. Në të kundërtën, gjobat iu shkojnë në zyrat qendrore të partive, për secilin tubim në Prishtinë”, deklaroi Tahiri.

Më 19 janar, Inspektorati i Prishtinës vuri gjobë edhe ndaj dy subjekteve politike. Aleancën për Ardhmërinë e Kosovës dhe Nismën me nga 2 mijë euro. Më 20 janar, Inspektorati gjobiti sërish  LDK’në për mosrespektim të masave anti-Covid. As Partia Demokratike e Kosovës nuk i shpëtoi gjobës për mosrespektim të masave, ku ditën e sotme ajo mori gjobën e parë. E ndërkohë që edhe Lëvizja Vetëvendosje, për një tubim që ka mbajtur në Prishtinë.

Situata e vështirë pandemike në vend, kërkon shmangien e tubimeve, por një gjë e tillë duket e vështirë për t’u respektuar nga forcat politike, të cilat si për ironi një nga pikat kryesore të planit të tyre kanë luftën kundër pandemisë.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit