Takimi i Komunitetit Politik Europian mbahet në Tiranë më 16 maj 2025! Bie ‘alibia’ e opozitës, zhvillohet pas zgjedhjeve parlamentare

Takimi i Komitetit Politik Europian që do të bëjë bashkë liderët europian, do të mbahet në Tiranë më 16 maj 2025, bën me dije gazetarja e Report Tv, Raziela Myslimaj.

Më herët ishte diskutuar mundësia e mbajtjes së këtij samiti në datë 9 maj, çka solli reagimin e disa partive politike, me pretendimin që do të ndikonte në rezultatin e zgjedhjeve parlamentare, të cilat do të zhvillohen më 11 maj.

Shqetësimi i opozitës për datën e takimit të Komunitetit Politik Evropian, kishin të bënin me mbajtjen e kësaj mbledhjeje përpara datës së zgjedhjeve pasi mund të shihej si mbështetje për kryeministrin Rama.

Megjithatë, kur presidenti Begaj dekretoi datën 11 maj 2025 për zgjedhjet parlamentare në argumentimin e tij për këtë datë theksoi se, institucioni i presidencës ka marrë dakordësinë nga interlokutorët ndërkombëtarë që takimi i Komunitetit Politik Evropian të mbahet pas 11 majit.

Samiti i mëparshëm i Komunitetit Politik të Evropës u mbajt në Budapest më 7 nëntor, në drejtimin e presidentit hungarez Viktor Orban. 

Takimi mund të jetë një mundësi për Shqipërinë që të tregojë angazhimin e saj për avancimin në procesin e integrimit dhe të forcimit të institucioneve demokratike.

Po ashtu, është një mundësi për të diskutuar mbi të ardhmen e rajonit dhe për të thelluar bashkëpunimin me vendet e tjera të Komunitetit Politik Europian.

TAG:
• zgjedhjet parlamentare 2025
• 16 maj 2025
• Komuniteti Politik Evropian

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë