POP 5

Lajmet më të lexuara të 5 minutave të fundit

Sociale

1600 persona me aftësi të kufizuara nuk kanë marrë pensionin: Nuk përballojmë dot jetesën (VIDEO)

1600 persona me aftësi të kufizuara në njësinë administrative Nr. 4 në Tiranë nuk kanë marrë pensionin. Qytetarët shprehen se pensioni duhet të kishte kaluar që në datë 26. Ndërsa sipas Bashkisë së Tiranës fondi ka kaluar në thesar më datë 26 dhe shpërndahet këto ditë.

TIRANË - 1600 persona nga njësia administrative nr.4 në Tiranë, zona e Alliasit, nuk kanë marrë pensionin e aftësisë së kufizuar. Qytetarët shprehen se pensioni duhet të kishte kaluar që në datën 26, dhe se mungesa e këtij fondi iu vështirëson kushtet e jetesës.

“Po nuk merrem me këta se e ndryshojnë muhabetin sipas qejfit.

Se ku do të dalë kjo punë vetëm Enver Hoxha iu vinte hakut.

Neve presim tani, po nesër si do t’ja bëjmë, pasi nesër do më thonë pasnesër, më pas do e shtyjnë përsëri nuk e di se çfarë do të bëjmë.

Si do të futesh në Evropë duke vjedhur, duke vrarë duke plaçkitur duke lënë invalidët dhe të sëmurët jashtë dere?”, shprehen disa prej personave me aftësi të kufizuara.

Përveç këtij problemi ata ngrenë edhe shqetësimin e pensionit të ulët që marrin. Sipas tyre shpenzimet e nevojshme shpeshherë janë të papërballueshme, madje në të shumtën e rasteve detyrohen të marrin ushqime bazike me listë.

“Si qenka e mjaftueshme? 100 mijë lekë drita më vijnë

Si e përballoni jetesën? Me listë.

100 mijë lekë nuk na del as për drita, as për ujë, as për taksa.

Unë marr 107 mijë lekë të vjetra. Nuk kam asnjë lloj të ardhure tjetër. Ku përballohen shpenzimet me këto çmime që kanë vendosur këta?

Unë marr 125 mijë lekë dhe i konsumoj së bashku me prindërit marrin dhe ilaçe se i kam të dy princërit të pamundur për të punuar” thonë qytetarët.

Fondi i pensionit për personat me aftësi të kufizuar kalohet nga Bashkia e Tiranës në thesar dhe më pas shpërndahet. Sipas informacionit të marrë fondi ka kaluar në thesar më datë 26 tetor dhe këto ditë do të shpërndahet për qytetarët.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit