POP 5

Lajmet më të lexuara të 5 minutave të fundit

Sociale

Drejt Punës

20 egjiptianë punojnë në sektorin e peshkimit në Vlorë, kapiteni Muhamed Mansuri flet për Report Tv: Jam i kënaqur, paguhem 800 dollarë në muaj

Mungesa e punëtorëve ka detyruar pronarët shqiptarë të anijeve të peshkimit të marrin peshkatarë nga Egjipti. Muhamedi na ka rrëfyer eksperiencën si kapiten anije në Triport të Vlorës.

Nëse shkon pranë Triportit nuk është rastësi të takosh peshkatarë nga Egjipti. Muhamedi është njëri prej tyre i cili prej 11 muajsh punon në sektorin e peshkimit në Vlorë dhe ka mësuar mjaft shpejt shqipen. Kapiteni egjiptian i anijes së peshkimit thotë se kushtet e punës janë të njëjta, ndërsa paga më e mirë se në vendin e tij.

"Emri im është Muhamed Mansuri, kam 11 muaj këtu, nuk e kam bërë vitin. Familjen time e kam në Egjipt.  Paguhem 800 USD në muaj, pa faturë. Kushtet e punës janë të njëjta si në vendin tim. Me djemtë nga Vlora kemi komunikim të mirë", shprehet ai.

Muhamedi është i punësuar në biznes shqiptar dhe paguhet 800 USD në muaj. Ai thotë se dalin për peshkim kur është kohë e mirë pranë ishullit të Sazanit.

"Punoj afër Sazanit, peshk nuk ka shumë tani. Në Egjipt nuk ka merluc, por barbun..", thotë Muhamed Mansuri.

Muhamedi shprehet i kënaqur edhe pse peshkatarët shqiptarë thanë se ndeshen me vështirësi të shumta.

"Prodhimi është i dobët, kushtet në mol nuk i kemi të mira, nuk ka ndriçim,  dalim me fenerë natën si barbonë", tha një peshkatar i vjetër vlonjat.

Aktualisht në Triport ndodhen 20 egjiptianë, ndërsa të rinjtë e Vlorës kanë emigruar në Perëndim.

"Tani kanë ardhur  mbi 20 egjiptianë, kapitenë, peshkatarë dhe motoristë. S'ka njerëz këtu kanë ikur djemtë", shtoi ai.

Porti i anijeve të peshkimit në Triport menaxhohet nga Shoqata e Peshkimit dhe nga 120 anije që kanë qenë më parë tani kanë mbetur rreth 60. Mungesa e infrastrukturës, rritja e çmimit të naftës dhe mungesa e punëtorëve e kanë dëmtuar këtë sektor ndër vite.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ola: 18/02/2022 16:45

    O Rame sorrosiani e degjenerove kete vend. Atdheun e Skenderbeut po e nbush me afgane, egjiptiane e bangladeshas nderkohe qe shqiptaret marrin udhet e botes. Te mallkofte perendia.

    Përgjigju
    • Beni: 18/02/2022 21:05

      Po psr nuk shkon zotrote te beje kapitenin e anijes per 800euro.po shkoni me legena

    • oni: 18/02/2022 17:51

      Fjala jote ne vesh te zotit. Kjo na ka mbetur te shpresojme, se per tjeter sjemi te zotet.

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit