POP 5

Lajmet më të lexuara të 5 minutave të fundit

Kultura

3 netë magjike, 'MIK Festival' mbyll edicionin e 5 në Korçë! Sopranoja Mula: Pasuri që përcjell art universal

Me një ndërthurje e muzikës klasike me zhanre të artit modern, Mik Festival dhuroi tre netë magjike duke e përmbyllur edicionin e tij të 5-të në shtëpinë e shkrimtarit Sterjo Spase në Korçë. Ideatorja Inva Mula i cilësoi tri netët MIk festival një larmishmëri ku arti flet me një gjuhë universale me publikun.

Muzika, baleti, piktura dhe letërsia u gërshetuan në tre netë magjike të Festivalit të Muzikës Internacionale në Korçë, i cili përmbylli edicionin e pestë këtë vit në Ishullin e Maligradit në Prespë.

Ideatore e festivalit, sopranoja Inva Mula i konsideroi netët të larmishme ku publiku e gjen veten në rryma të ndryshme artistike.  Për artisten Mula, Mik Festival arriti të përcillte mesazhin se arti i vërtetë është universal.

“Ky ishte një edicion jubilar, i cili shënoi dhe e konsolidoi MIK Festival dhe tregoi dhe njëherë që arti i vërtetë nuk ka kufij as në gjini, as në gjuhë, është universal dhe është gjuha më e bukur, gjuha e muzikës", tha Inva Mula. 

Edicionit jubile të repertorit të këtij viti nuk i munguan dhe performancat artistike të violinistes Juljana Laska dhe artistes greke Katerina Kitrou e cila performoi në harpë.

“Është një kënaqësi. Ishte një punë e mirëfilltë për të përshtatur programin e harpës së madhe, në një harpë më të vogël kontemporane”, shprehet Kitsou.

“Jemi shumë të lumtura dhe të nderuara që  e madhja Inva Mula dhe Mik Festival na besoi këtë pjesë të festivalit. Të luajmë në këtë vend me ambient të brendshëm edhe ne në skenë u përlotëm”, tha violinistes Juljana Laska.

“Teatri Andon Zako Cajupi”, Hani i pazarit të vjetër në Korçë, Shtëpia Muze e Sterjo Spases dhe Ishulli i Maligradit në Pustec ishin 4 destinacionet kryesore ku u zhvillua edicioni i pestë i MIK Festival, ku për 3 netë me radhë artistë vendas dhe të huaj interpretuan për publikun artdashës korçar.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit