613 kg kokainë, Rama: S’kam ndryshuar qëndrim, drogën e kapëm vetë

Gazeta gjermane “Die Welt” botoi sot një intervistë me kryeministrin Edi Rama, ku shefi i qeverisë shqiptare, sipas shkrimit shprehej se sasinë rekord të drogës 613 kg kokainë në fund të shkurtit ‘e kapëm në bashkëpunim me Italinë’. Deklarata e Ramës, referuar shkrimit në gazetën gjermane ishte një ndryshim qëndrimi, pasi nga bllokimi i kokainës dhe në vazhdim ishte shprehur se nuk është kapur në bashkëpunim me ndërkombëtarët.

Pas shkrimit të botuar sot, reagoi edhe Partia Demokratike duke e cilësuar kryeministrin si të ‘pa besueshëm’. Por mbrëmjen e sotme, kryeministri reagoi përmes një statusi në Facebook duke e përgënjeshtruar shkrimin. Ai i qëndron versionit të parë, duke mohuar se e ka thënë një gjë të tillë në intervistë, ndërsa shton se nuk e kam lexuar versionin gjermanisht.

“Nisur nga intervista ime për “Die Welt”(s’e kam idenë nëse saktësisht a jo, se nuk e kam lexuar versionin gjermanisht)qenka bërë lajm shqip se paskam ndryshuar qëndrim! E pavërtetë! Sepse e vërteta është vetëm një: 613kg kokainë janë kapur pa asnjë bashkëpunim ndërkombëtar! Kaq” shkruan Rama.

Opozita ka akuzuar qeverinë për lidhje me trafikantët e 613 kg kokainë.  Deri tani për sasinë rekord të drogës është kapur vetëm shoferi dhe administratori i firmës, ndërsa pronari i Arbri-Garden", Arbër Çekaj është në Gjermani, ndërsa është shpallur në kërkim.

TAG:
• edi rama
• maminas
• kokaina durres

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë