POP 5

Lajmet më të lexuara të 5 minutave të fundit

Kronikë

Aksidenti me dy viktima në Lezhë, drejtuesi i mjetit s’mundi të frenonte, shkak dyshohet errësira dhe mungesa e sinjalistikës

Mungesa e sinjalistikës rrugore dhe errëasira dyshohet të kenë ndikuar në përplasjen fatale të dy të rinjve në Lezhë, të cilët humbën jetën mbrëmë në një aksident tragjik. Nga një vëzhgim i Report Tv, duket se përplasja ka qenë e fortë dhe se drejtuesi i mjetit e ka pasur të pamundur të frenonte.

Gjurmët e aksidentit tragjik që u mori jetën 2 të rinjve një natë më parë në Tale të Lezhës, janë ende të pranishme.

Goditja ka qenë mjaft e fortë, çka e dëshmon muri rrethues ku u përplas makina, i cili është rrëzuar.

Gjurmët në vendin e ngjarjes tregojnë se drejtuesi i mjetit Kristjan Margjoni ka tentuar të frenojë, por pa mundur që ta shmangë përplasjen fatale. Nga veprimet paraprake hetimore të policisë rezulton se automjeti po lëvizte me shpejtësi në rrugën e hidrovorit, duke bërë që drejtuesi të humbasë kontrollin.

Por edhe mungesa e sinjalistikës në rrugë dhe errësira mendohet se kanë ndikuar në këtë aksident. Ndërkohë pritet akti i ekspertimit për të parë shpejtësinë reale me të cilën po lëvizte drejtuesi i mjetit në momentin e përplasjes.

Aksidenti tragjik ndodhi rreth orës 19:00 të së shtunës dhe goditja ishte tepër e fortë duke u shkaktuar vdekjen e menjëhershme 24-vjeçarit Kristjan Margjoni dhe të fejuarës së vëllait të tij, Atjola Ademi 24-vjeçare nga Kukës, studente në Tiranë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit