POP 5

Lajmet më të lexuara të 5 minutave të fundit

Kronikë

Sulmet e Ramës për “KÇK”, Ibrahimi: Akuza politike! SPAK krijohet shpejt, BKH do kohë më të gjatë

Kryetari i KLP-së, Gent Ibrahimi raportoi në Komisionin e Ligjeve, lidhur me ecurinë e ngritjeve të institucioneve të reja, siç janë ato të SPAK dhe të BKH. Ibrahimi u shpreh se SPAK do nisë punën menjëherë pas emërimit të prokurorëve ndërsa akuzat e Ramës ndaj grupit KCK, kreu i KLP i ka quajtur politike.

Sulmet e Ramës për “KÇK”, Ibrahimi: Akuza politike! SPAK krijohet shpejt, BKH do kohë më të gjatë

Kryetari i KLP-së, Gent Ibrahimi raportoi në Komisionin e Ligjeve, lidhur me ecurinë e ngritjeve të institucioneve të reja, siç janë ato të SPAK dhe të BKH.

Në këtë seancë, Ibrahimi ka folur ndër të tjera edhe për akuzat e kryeministrit Edi Rama për një grup të rrezikshëm kriminal që vepron në sistemin e drejtësisë, prokurorë e gjyqtarë që ende nuk e kanë kaluar vettingun, të quajtur KÇK , (Kap Ç’të Kapësh).

Këto akuza të Ramës, Ibrahimi i ka quajtur si politike dhe që është e pamjaftueshme për të nisur një proces gjyqësor.

“Kryeministri Edi Rama bëri një akuzë të përgjithshme dhe politike, si të tillë e kemi trajtuar edhe ne. Nuk është se po bëjmë një hetimit të thelluar, por po e shohim në përgjithësi. Nuk mjafton për të bërë gjyq”,-u shpreh Ibrahimi në Komisionin e Ligjeve.

Për ngritjen e institucioneve të reja, Ibrahimi u shpreh se po pritet që të emërohen prokurorë të tjerë, pasi 8 të cilët tashmë janë pjesë e SPAK, do e kishin të pamundur për të hetuar volumin e dosjeve që janë në tavolinë, çka sipas tij do të sillte një mbikarkesë në punën e tyre.

“Tani që flasim kemi 8 prokurorë që mund ti emërojmë të cilët kanë kaluar vettingun nga 15 kandidatë. Dhe në momentin që i emërojmë SPAK fillon punën. Por, nëse i emërojmë këta 8 prokurorë në SPAK, atëherë i bie që çdo prokuror do të ketë mbingarkesa shumë të madhe”, u shpreh Ibrahimi.

Duke mos dhënë një afat të caktuar, Ibrahimi u shpreh se shumë shpejt do të jetë në funksion SPAK, ndërsa krijimi i BKH, do të marrë kohë më të gjatë.

“Shumë shpejt do të kolaudojmë në krijimin e SPAK. Procesi i krijimit të Byrosë Kombëtare të Hetimit do të jetë i gjatë”-deklaroi Ibrahimi.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit