Ambasadori gjerman në Kosovë: Urgjent kompromis! Absurde të rrezikosh një konflikt për targa

KOSOVË- Ambasadori gjerman në Prishtinë Jorn Rohde, kërkoi vetëpërmbajtje dhe vullnet politik që të mos shkohet në konflikte të dhunshme.

Përmes një statusi në Tuiter, Rohde tha se është absurd një konfrontim për targat ndërsa Rusia po zhvillon një luftë brutale ndaj Ukrainës.

Shtetet e Bashkuara të Amerikës dhe Bashkimi Evropian i kanë kërkuar Kosovës që të shtyjë me 10 muaj vendimin për regjistrimin e automjeteve me targa ilegale të Serbisë me ato RKS. Ndërsa serbëve u është kërkuar që të kthehen në institucionet e Republikës së Kosovës.

Situata në veri është përshkallëzuar pasi Qeveria e Kosovës nisi të zbatojë planin në tri faza për ri regjistrimin e makinave me targave ilegale serbe në RKS. Faza e parë përfshin qortimin e shoferëve, e dyta parasheh gjobë deri në 150 euro për ata shoferë, dhe e treta targa provuese. Zbatimi i këtij plani pritet të përfundojë më 21 prill dhe, nga ajo datë, në qarkullim do të lejohen vetëm makina me targa RKS.

Në komunat veriore të Kosovës të banuara me shumicë serbe - Mitrovicë e Veriut, Zveçan, Leposaviq dhe Zubin Potok - llogaritet se janë deri në 10.000 automjete me targa ilegale serbe. Këto targa i lëshon Serbia dhe bartin akronime serbe të qyteteve të Kosovës, si: KM, GL, PR, UR e të tjera. Në javët e fundit janë shtuar incidentet në veri të Kosovës, që kryesisht kanë cak serbët që po ri regjistrojnë makinat në RKS.

TAG:
• jorn rohde
• Kosovë – Serbi

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë