POP 5

Lajmet më të lexuara të 5 minutave të fundit

Kronikë

Ambasadori i Britanisë takim me anëtarët e KED-së, Tusha: Vështirësi në përzgjedhjen e anëtarëve të Gjykatës Kushtetuese

Vitore Tusha i ka treguar ambasadorit për vështirësitë që ka patur këtë periudhë në KED.

Ambasadori i Britanisë takim me anëtarët e KED-së, Tusha: Vështirësi në përzgjedhjen e anëtarëve të Gjykatës Kushtetuese

Në Gjykatën e Lartë ka qenë sot ambasadori i Britanisë së Maddhe Duncan Norman, i cili ka zhvilluar një takim me disa nga nga anëtarët e Këshillit të Emërimeve në Drejtësi.

Në emër të të gjithë anëtarëve të këshillit, Vitore Tusha ka shprehur mirënjohjen dhe vlerësimin e saj për asistencën e deritanishme të dhënë nga Britania e Madhe në mjaft sektorë të sistemit të drejtësisë, veçanërisht në proceset e reformës në drejtësi.

Në bashkëbisedim e siper Vitore Tushe i bëri të ditur ambasadorit problemet që KED ka hasur gjatë këtyre viteve të krijimit dhe theksoi angazhimin maksimal të anëtarëve të tij, si gjatë vitit 2019, kur ky këshill vendosi themelet e një procesi shumë të rëndësishëm kushtetues, atë të përzgjedhjes së anëtarëve të parë në Gjykatën Kushtetuese. Procesi për plotësimin e Gjykatës Kushtetuese është me rëndësi të veçantë për funksionimin e shtetit ligjor, dhe për këtë arsye, bazuar edhe në rekomandimet e Komisionit të Venecias, KED 2020 ka marrë të gjitha masat për përfshirjen e tyre në aktet rregullatore të KED.

Ndërkohë ambasadori i Britanisë së Madhe Duncan Norman u shpreh 'se reforma në drejtësi është një moment shumë i rëndësishem për Shqipërinë, proces i cili duhet të çohet deri në fund'. Ambasadori britanik theksoi se KED për nga natyra e vet ka patur gjithmonë vëmendjen e ndërkombëtarëve, duke shprehur me këtë rast mbështetjen e tij publike dhe personale në ndihmë të këtij këshilli.

Më tej Norman vlerësoi angazhimin i këshillit për të reflektuar rekomandimet e Komisionit të Venecias, në mënyrë që procesi i emërimit të anëtarëve të rinj të Gjykatës Kushtetuese të ndodhë sa më parë.

Njëkohësisht gjatë takimit Ambasadori Norman shprehu vullnetin për vijimin e asistencës së Britanisë së Madhe në drejtim të organeve të drejtësisë në Shqipëri, në çdo kohë.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit