POP 5

Lajmet më të lexuara të 5 minutave të fundit

Sport

Ankandi u anulua nga autoriteti i konkurencës, por Vllazninë e mërzit edhe barazimi me Kukësin

Shitja e Vllaznisë me ankand ditën e sotme është anuluar për shkak të ankesave për kriteret nga ana e të interesuarve.

Ankandi për shitjen e klubit të futbollit Vllaznia duhej të mbyllej sot me 9 mars, por ai është shtyrë për shkak të ankesave të disa prej të interesuarve. Konkretisht të Almiro Gurakuqit, i cili u bë shkak që Autoriteti i Konkurencës të ndërhynte për kriteret e shitjes, që janë të paragjykuara si favorizuese për subjekte të caktuara. Shtyerjen e ankandit e ka konfirmuar edhe sponsori aktual i klubit Alban Xhaferri:

Alban Xhaferri, Sponsor i Vllaznisë : “Unë si pjesmarrës në ankand jam njoftuar nga bashkia se do të ketë një shtyerje.”

Ndërkohë përsa i përket barazimit pa gola të Vllaznisë me Kukësin, ndeshja e cila u luajt të hënën, trajneri i shkodranëve Thomas Brdaric, thotë se skuadra la dy pikë, ndërsa veçon se ishin më lart se kundërshtarët.

Thomas Brdaric, trajner i Vllaznisë: “Kemi patur shumë mundësi për shënim, por jam i kënaqur nga paraqitja e lojtarëve. Ishim më superior se Kukësi, por rezultati është ai që është.”

Në krahun tjetër Mirel Josa, trajneri i Kukësit, e cilësoi 90 minutëshin si me shumë tension, pasi Vllaznia kërkonte me çdo kusht fitoren.

Mirel Josa, trajner i Kukësit: “Unë nuk mund të them se rezultati më i drejtë është barazimi, pasi loja varet nga episode. Siç mund të kishim shënuar ne mund të kishte shënuar edhe Vllaznia. Ishte një ndeshje me tension, sidomos nga krahu i Vllaznisë që kërkonte fitoren me patjetër për t’ju shkëputur kundërshtarëve dhe për t’ia dalë pas kaq shumë kohësh. Gjithsesi edhe ne donim tre pikët për të gjetur stabilitetin si skuadër.”

Pas 23 javësh kampionat Vllaznia udhëheq kampionatin me 1 pikë më shumë se Teuta dhe Laçi ndjekës, ndërsa Kukësi vijon në vendin e gjashtë me 31 pikë.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit