POP 5

Lajmet më të lexuara të 5 minutave të fundit

Politikë

Aplikacioni 'Aktivist'/ Rithemelimi akuzon Ramën për shantazh të administratës publike: I detyron ta përdorin! SPAK të nisë hetimet

Rithemelimi në PD thotë se ka marrë denoncime nga punonjës të administratës, që sipas tyre janë urdhëruar nga eprorët të përdorin me detyrim aplikacionin ‘Aktivisti’ të hapur për anëtarët e PS-së dhe të shpërndajnë në rrjetet e tyre sociale postimet e kryeministrit e ministrave.

Rithemelimi në PD thotë se ka marrë denoncime nga punonjës të administratës, që sipas tyre janë urdhëruar nga eprorët të përdorin me detyrim aplikacionin ‘Aktivisti’ të hapur për anëtarët e PS-së dhe të shpërndajnë në rrjetet e tyre sociale postimet e kryeministrit e ministrave.

Në një deklaratë për mediat Bislim Ahmetaj, tha se SPAK duhet të nisë hetimet ndaj personave që kanë krijuar këtë aplikacion me anë të të cilit sipas tij, drejtuesit e lartë shtetërorë po shantazhojnë punonjësit e administratës.

“Punonjës të administratës publike, të të gjitha niveleve, dëshmojnë se janë thirrur nga eprorët dhe janë urdhëruar të instalojnë dhe të përdorin me detyrim aplikacionin “Aktivisti”, prodhim i zyrës së agjitacionit dhe propagandës pranë Kryeministrit. 

Përveç pëlqimeve, ata duhet të shpërndajnë nëpër faqet e tyre cdo marrëzi të kryeministrit, ministrave dhe shefave të tyre direkt, gjithashtu janë urdhëruar që të komentojnë negativisht  cdo deklaratë apo qëndrim të përfaqësuesve të opozitës…

I bëjme thirrje SPAK-ut të nis urgjentisht hetimet kundër personave përgjegjës të prodhimit dhe shpërndarjes të aplikacionit “Aktivisti”… me anë të cilit drejtuesit e lartë të shtetit po shantazhojnë punonjësit e administratës në kundërshtim të plotë të ligjit për shërbimin Civil dhe Kodin e Punës”- u shpreh Bislim Ahmetaj, sekretar për të Drejtat e Njeriut.

Aplikacioni ‘Aktivisti’ është krijuar kryesisht për anëtarët e Partisë Socialiste dhe do të shfaqë të gjithë aktivitetet e kryeministrit, ministrave dhe zyrtarëve të tjerë të lartë. Deputeti socialist, Etjen Xhafaj tha se do të kishte një tur në të gjithë vendin për të shpjeguar sesi funksionon aplikacioni.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ariani: 31/01/2023 14:05

    une arian zaka ne durres e kam per nder ta perdor aplikacionin aktivisti

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit