POP 5

Lajmet më të lexuara të 5 minutave të fundit

Kronikë

Atentati ndaj Fatos Tushes/ Ish-shoferi e shantazhonte me dokumente kompromentuese, merrte rrogë dhe pas largimit nga puna

Një ditë pas ngjarjes së ndodhur në zyrën e kryebashkiakut të Lushnjës Fatos Tushes, ku autori Gëzim Saraçi, ish shoferi i tij hodhi një granatë dore, policia e Lushnjës ka shtuar pistat e hetimit. Si pasojë e sulmit mbeti i lënduar vetë Tushe dhe sekretarja e tij, ndërsa nga të dhënat e siguruara nga grupi hetimor rezulton se Saraçi në disa raste ka shantazhuar me dokumente kompromentuese kryebashkiakun Fatos Tushe.

LUSHNJE - Qelizat telefonike të celularit të Gëzim Saraçit, i shpallur tashmë në kërkim për plagosjen me granatë dore të kryebashkiakut të Lushnjes, zbuluan se rreth një orë pas ngjarjes ai u lokalizua në rrethinat e Beratit. Por pavarësisht kontrolleve, Saraçi nuk është mundur të gjendet nga policia. Burime pranë grupit hetimor sqaruan se autori mund të jetë ndihmuar nga persona të tjerë duke u larguar drejt Beratit e ndërsa dyshimet janë se për t’ju shmangur kontrolleve të policisë, ai ka ndërruar disa automjete për t’u arratisur.

Në rrugë operative policia e Lushnjes ka siguruar informacione se Saraçi shantazhonte kryebashkiakun Fatos Tushen me dokumente kompromentuese që ai dispononte për shkak se për disa vite me radhë ka ushtruar edhe detyrën e shoferit te kreut të Bashkisë.

Të vetmit që janë marrë në pyetje deri më tasni janë disa nga punonjësit e Bashkisë Lushnjë dhe nga të dhënat e siguruara prej tyre ka rezultuar se Saraçi është larguar nga detyra në 2016-ën ndërsa objekt hetimi është edhe mënyra se si ai është paguar gjatë kohës që nuk ushtronte detyrën e shoferit të Fatos Tushes.

Mëngjesin e së martës, Tushe u sulmua me granatë dore në zyrën e tij ku mbeti i lënduar në shpatull e në këmbë. Po ashtu, e lënduar mbeti edhe sekretarja e Tushes, Erisa Qalliu. Si pistë kryesore hetimi është një borxh i pashlyer i Tushes ndaj ish-shoferit Saraçi, si dhe largimi nga puna i këtij të fundit.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • meri: 01/01/2020 20:32

    Korrupsioni...i qeverrisjes se Bashkise dha frutet e veta,Krytari,per t'i dhen rroge nji ish-punonjesi qe e ka larguar nga puna,e ka nji arsye.KLSH duhet te beje nji kontroll te imtesishem ne kete Bashki,dhe kush ka gabuar te paguaj deri ne qindarken e fundit,i kan kthyer Institucionet e Shtetit ne prone private ,ku nuk i japin llogari asnjinjeriu..

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit