POP 5

Lajmet më të lexuara të 5 minutave të fundit

Kronikë

Atentati ndaj Inez Hajrullës në 2019, 150 vite burg 5 të pandehurve

Apeli i Vlorës dënoi me 150 vite burg pesë të pandehurit e akuzuar për atentatin e dështuar ndaj Inez Hajrullës në 10 maj 2019. Hajrulla i shpëtoi atentatit, por në atë kohë u plagos rastësisht Dajko Cenodemaj.

TIRANË- 150 vite burg dha Gjykata e Apelit të Vlorës këtë martë për 5 të akuzuarit që u shpallën fajtor për atentatin e dështuar ndaj Inez Hajrullës, ngjarje kjo e ndodhur në 10 maj të vitit 2019. Trupa gjykues e përbërë nga Pëllumb Zaimi, Entela Gjoni dhe Adelajda Gjyzi, dënoi më nga 35 vite burg Daut Elmazin dhe Gentjan Dautajn, të dy të akuzuar për veprën penale “vrasje në rrethana cilësuase” e kryer në bashkëpunim, e mbetur në tentativë.  Për po të njëjtat akuza, treshja e gjyqtarëve dënoi me 30 vite burg Igli Memaj dhe me nga 25 vite, edhe Serxhio Ademin dhe Albano Goxhajn.

Por, ndodhi atentati 2 vite e gjysmë më parë?
Më 10 maj të 2019 në lagjen “Uji i Ftohtë” në Vlorë, Hajrulla u qëllua me armë zjarri nga një automjet në lëvizje, skemë tipike e eliminimeve mafioze, teksa ishte ulur në një lokal. Ai mundi t’i shpëtoj atentatit, por u plagos në mënyrë rastësore Dajko Cenodemaj që po pinte kafe. Autorët pasi u larguan dogjën automjetin në Babicë të Vogël. Sipas policisë dhe prokurorisë së Vlorës, në këtë atentat të dështuar morën pjesë nëntë persona, Fatmir Hyseni, Daut Elmazi, Igli Memaj, Gentian Dauti, Serxho Ademi, Albano Goxhaj, Dejvison Serjani, Ardjan Ahmeti dhe Xheladin Merko. Pati dyshime të forta se atentati u krye si rezultat i larjeve të hesapeve mes grupeve rivale në Vlorë. Nga këqyrja e vendit të ngjarjes ka rezultuar se në shesh janë gjetur dy gëzhoja dhe një fishek i pa goditur.

Për këtë ngjarje vijon të jetë në kërkim Fatmir Hyseni, i kërkuar edhe si autor i ekzekutimit të Santiago Malkos, ngjarjes së ndodhur në rrugën “Xhanfize Keko” disa vite më parë.

B.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • shpellari: 22/11/2022 19:07

    sic ka bo do e gjej nuk e njoh por per derisa i kan bere me shum se nje atentat do e ket shkelur dhe ky derrasen e kalbur me shum se nje here

    Përgjigju
    • Xxxxx: 22/11/2022 21:26

      Eh eshte shum trim inesi ky vetem fare ata ishin te armatosur deri ne dhemb nent veta i mori perpara inesi si lepuj iken me vrap nga frika ata gangesterat ,,,

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit