Avokatët e Trump-it kundërshtojnë kandidatët e Departamentit të Drejtësisë për ekspertin ligjor, rekomandojnë dikë tjetër

Avokatët e ish-presidentit Donald Trump thonë se mbajtja e dokumenteve sekrete në shtëpinë e tij në Florida është thjeshtë një "mosmarrëveshje" mbi vendin e ruajtjes së tyre. Ata i kërkuan një gjykatëseje të hënën që të mbajë në fuqi urdhrin që ndaloi përkohësisht aspektet kryesore të hetimit penal të Departamentit të Drejtësisë.

Avokatët e Trump thanë gjithashtu se kundërshtojnë kandidatët e propozuar nga Departamenti i Drejtësisë për një ekspert ligjor të pavarur, i cili do të ngarkohet me shqyrtimin e dokumenteve të sekuestruara gjatë kontrollit të FBI-së në Mar-a-Lago muajin e kaluar.

Departamenti i Drejtësisë tha se, përveç dy ish-gjykatësve të propozuar (Barbara Jones dhe Thomas Griffith), do të ishte i gatshëm të rekomandonte një nga përzgjedhjet e ekipit të avokatëve të Trump-it.

Avokatët e ish-presidentit Trump kanë propozuar gjykatësin e gjykatës federale në Brooklyn të Nju Jorkut, Raymond Dearie dhe avokatin e njohur nga Florida Paul Huck Jr., për postin e ekspertit të pavarur ligjor për çështjen e shqyrtimit të dokumenteve të marra nga FBI-ja në Mar-a-Lago.

Vendimi i gjykatëses federale Aileen Cannon për të miratuar kërkesën e avokatëve të ish-Presidentit Trump për emërimin e një eksperti të pavarur ligjor, ka ndalur hetimin penal të Departamentit të Drejtësisë lidhur me dokumentet sekrete të marra nga FBI-ja në Mar-a-Lago./VOA

TAG:
• Florida
• SHBA
• Departamenti i Drejtësisë i Shteteve të Bashkuara
• donald trump

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë