BE kundër taksës së Kosovës për produktet serbe, Mogherini: Të hiqet menjëherë

Bashkimi Evropian e ka cilësuar vendimin e Kosovës, për rritjen e taksës në 100% ndaj produkteve serbe, si shkelje të marrëveshjes së CEFTA-s.

Përmes një njoftimi për media, përfaqësuesja e Bashkimit Europian, Federica Mogherini ka kërkuar nga shteti i Kosovës që ta revokojë menjëherë këtë masë.

“Vendimi i sotëm i Qeverisë së Kosovës për ta rritur taksën mbi mallrat nga Serbia dhe Bosnja në 100%, është shkelje e qartë e Marrëveshjes së Tregtisë së Lirë CEFTA, dhe frymës së MSA-së ndërmjet Kosovës dhe BE-së. Më tej ky vendim përkeqëson situatën pas taksës së parë prej 10% javën e kaluar. Qeveria e Kosovës duhet ta revokojë menjëherë këtë vendim”, thuhet në njoftimin për media të zyrës së Mogherinit.

Rritja e taksës ka shkaktuar reagime edhe në Serbi e Bosnje e Hercegovinë. Ministrat e qeverisë serbe e kanë cilësuar vendimin në fjalë si skandaloz, ndërsa presidenti serb, Aleksandër Vuçiç mësohet se ka kërkuar së fundmi një mbledhje me ambasadorët e huaj në Serbi dhe me Këshillin e Sigurisë.

Paraditen e sotme, qeveria e Kosovës e ndryshoi vendimin e 6 nëntorit të Ministrisë së Tregtisë dhe Industrisë (MTI), e cila asokohe vendosi 10% masë mbrojtëse për produktet e importuara me origjinë nga Serbia e Bosnje e Hercegovina. Gjatë mbledhjes, ishte ministri i Tregtisë dhe Industrisë (MTI), Endrit Shala që propozoi ndërrimin e masës nga 10 në 100 për qind për produktet e importuara. 

TAG:
• kosova
• kosova
• kosova
• Federica Mogherini
• serbia
• produkte serbe
• rritja e taksës

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë