Bebe Rexha: Nuk lejoj kurrë që dikush të prekë trupin tim nëse unë nuk dua!

Bebe Rexha këngëtarja e famshme shqiptare,  ka folur hapur për përfshirjen e saj në industrinë e muzikës dhe për disa takime të sikletshme që ka pasur me disa producentë në Hollywood. Sipas  Cosmopolitan këngëtarja shqiptare u shpreh se donte të krijonte një mjedis të sigurtë për gratë.

Ajo tregoi disa eksperienca të këqija personale të saj. “Kur arrita për herë të parë në LA, punova me një producent shumë të madh. Ai më vendosi në një dhomë me shumë kantautorë dhe muzikantë të tjerë që të gjithë dukeshin të droguar. Ishte një producent që hynte në studio dhe më masazhonte këmbët. Një herë ai u përpoq të shkonte më lart mbi gjunjë dhe po bëhej disi i ashpër, kështu që i tërhoqa këmbët. Ai tha, ‘Jo, unë do të bëj atë që dua’. Por unë jam rritur për të mos lejuar kurrë që dikush të prekë trupin tim nëse nuk dua që ta bëjë”, tha Bebe.

Më pas u shpreh se ky person është shumë i famshëm, por ajo nuk dha asnjë emër.

Ajo më pas tregoi një takim të frikshëm me një producent dhe 6 burra të tjerë në një dhomë studioje që i dukej sikur do ta përdhunonin: ” Një natë unë isha vetëm në studio dhe një producent tjetër kishte një grup prej pesë ose gjashtë djemsh. Unë kisha dëgjuar gjëra rreth tij nga e kaluara dhe thjesht nuk mund ta përballoja më. Ndihesha sikur do të përdhunohesha. Në heshtje thirra një taksi nga kabina e regjistrimit, e cila ishte e mbyllur dhe dola prej atje. Ishte nata më e keqe që kisha kaluar ndonjëherë”.

Këngëtarja ka treguar edhe raste kur është fyer për paraqitjen dhe është diskriminuar për përmasat e trupit të saj.

Bebe Rexha, këngëtarja e njohur shqiptare

1/2

TAG:
• bebe rexha
• Diskriminim
• Hollywood
• mjedis i sigurte
• abuzime

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë