Belgjikë/ Çmontohet organizata shqiptare e trafikut të kokainës drejt Anglisë! Mbi 30 kontrolle, disa të arrestuar dhe sekuestrime! Transportohej me furgonë mallrash

Policia Gjyqësore Federale (PJF) në Bruksel njoftoi sot (17 Dhjetor) se ka çmontuar një rrjet ndërkombëtar të dyshuar për trafik droge, i fokusuar kryesisht tek kokaina, që furnizonte tregun britanik.

Lajmin e bëri me dije në një njoftim për shtyp zyra e Prokurorisë së Brukselit. Ky rrjet, i drejtuar nga shtetas shqiptarë, dyshohet se përdorte drejtues kamionësh për të transportuar drogë mes Belgjikës dhe Anglisë.

“Hetimi, i kryer nga prokuroria publike dhe policia gjyqësore federale e Brukselit, bëri të mundur identifikimin dhe çmontimin e një rrjeti të strukturuar që operonte nga disa vendndodhje në Belgjikë, kryesisht në rajonin e Brukselit, por edhe në Brabant Flamand dhe Brabant Walloon”, shkruan media vendase.

Në kuadër të operacionit të zhvilluar paraditen e së hënës, janë kryer rreth 30 kontrolle, të cilat kanë çuar në arrestimin e disa të dyshuarve dhe sekuestrimin e provave. Gjatë këtij operacioni, hetuesit sekuestruan dy pistoleta, para, sende luksi dhe disa automjete.

Para këtij operacioni, hetuesit kishin vënë në shënjestër tashmë transporte të dyshimta, duke çuar në sekuestrimin e kokainës dhe shuma parash nga autoritetet franceze dhe angleze. Këto sekuestrime bënë të mundur forcimin e hetimeve dhe zbardhjen e shtrirjes së rrjetit ndërkombëtar të dyshuar për trafik droge.

Nga hetimet u zbulua se rrjeti dyshohet se përdorte kompani transporti për të kamufluar kalimin e drogës, duke fshehur dërgesat brenda kamionëve që transportonin mallra legale. Ky ‘modus operandi’ do të kishte lejuar që trafiku të zhvillohej në mënyrë diskrete, duke kaluar tranzit nëpër Kanalin e “La Manshit”, për të furnizuar tregun anglez.

TAG:
• belgjike
• Bruksel
• shqiptaret
• kokaine
• angli
• Britani e Madhe
• La Mansh

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë