POP 5

Lajmet më të lexuara të 5 minutave të fundit

Ekonomi

COVID-19/Biznesi fason ‘humbësi’ më i madh në tregti! Eksportet e tekstileve ranë me 128.4 mln €, tkurrja më e lartë me Italinë

Industria e fasonerisë ka pësuar rënien më të fortë në aktivitet gjatë vitit 2020. Tregtia e tekstileve dhe këpucëve ka pësuar tkurrje, pasi bizneset kanë eksportuar 128 milionë euro më pak dhe importuar -95 milionë euro krahasuar me 2019.

Bizneset e prodhimit të veshjeve dhe këpucëve u ndëshkuan më shumë nga pandemia COVID-19. Si një industri e bazuar tek makineritë dhe puna fizike, përshtatja me masat anti-COVID dhe me protokollin e Komitetit të Ekspertëve ishte shumë e vështirë.

Sipas të dhënave të INSTAT ky sektor gjatë vitit të shkuar ka eksportuar pra ka shitur tek shtetet e huaja 128.4 milionë euro më pak produkte. Nga ana tjetër ka importuar kontrata të reja rreth 95 milionë euro më pak. Fonde këto që u ‘fshin’ nga duart e sipërmarrjes si pasojë e pandemisë COVID-19.

Në total për vitin e kaluar janë eksportuar drejt vendeve të huaja tekstile dhe këpucë në vlerën e 831.7 milionë eurove, dhe kanë blerë nga jashtë 613.2 milionë euro. Vendi me të cilin tregtia ka shënuar rënie në këtë aspekt është Italia për shkak të varësisë që kishim ndaj sipërmarrjeve atje. Por pandemia ka ndikuar edhe tek ndryshimi i aleatëve ekonomik.

Vendi në vitin e kaluar ka ulur eksportet me Italinë, Kosovën dhe Spanjën dhe i ka rritur me Gjermaninë, Greqinë dhe Maqedoninë e Veriut. Ndërsa importet më të larta i ka pasur nga Greqia, Gjermania dhe Serbia, rënie ka pasur përsëri me Italinë, Kinën dhe Turqinë.

EKSPORTI I TEKSTILEVE DHE KËPUCËVE

Viti 2019        118.2 mld lekë

Viti 2020        102.3 mld lekë

Diferenca      -15.8 mld lekë/128.4 mln €

IMPORTI I TEKSTILEVE DHE KËPUCËVE

Viti 2019        87.2 mld lekë

Viti 2020         75.4 mld lekë

Diferenca      11.7 mld lekë/95 mln €

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit