POP 5

Lajmet më të lexuara të 5 minutave të fundit

Kronikë

Breshëri në Korçë shkatërron kulturat bujqësore, fermerët: U prish gruri, rrushi e molla, duam dëmshpërblim

Grupi xhirimit të Report TV ishte në fshatin Zvezde të Korçës ku banorët shprehen se mundi i gjithë vitit ka shkuar dëm për 15 minuta. Fermerët kërkojnë dëmshpërblim nga Bashkia e Korçës.

Një stuhi breshëri goditi sot rajonin juglindor duke shkaktuar dëme të mëdha në bujqësi. Grupi xhirimit të Report TV ishte në fshatin Zvezde të Korçës ku banorët shprehen se mundi i gjithë vitit ka shkuar dëm për 15 minuta. Fermerët kërkojnë dëmshpërblim nga Bashkia e Korçës.

Breshëri që ra ditën e sotme në disa fshatra të qarkut të Korçës ka shkaktuar jo pak dëme në kulturat bujqësore. Në fshatin Zvezde kulturat bujqësore më të dëmtuara janë rrushi, gruri dhe molla.

“Ra çerek ore breshër. Vajti gjysmë metri. Akoma nuk ka shkrirë. 5 dylym grurë që kam këtu janë prishur. E ka rrëzuar të tërë. Të bashkisë kanë ardhur. Nuk na thanë gjë”, tha një banorë i zonës.

“Kemi një hektarë e gjysmë mollë. Breshëri na e shkatërroi të gjithin. Duam subvencione nga shteti. Rrushin e ka shkaktuar komplet. As shampo nuk marrim nga mollët. As ilaçet nuk i nxjerrim dot”, tha një tjetër banor.

“Breshëri që ra sot më shumë ka shkaktuar dëme në pemët frutore, grurë, Rrush. Të tëra perimet ranë në tokë”, u shpreh dikush tjetër.

Ndërkohë fermerët e fshatit shprehin shqetësimin e tyre sepse i gjithë investimi dhe mundi i tyre shkuan dëm në 30 minuta. Dëmi i përllogaritur në vlerë monetare shkon në disa milionë lekë për çdo familje. Fermerët kërkojnë ndihmë nga shteti, pasi të ardhurat e vetme i sigurojnë nga shitja e prodhimeve bujqësore.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lenci: 12/06/2020 07:37

    Sigurohuni si ne te gjithe boten. Nuk ka pune bashkia apo shteti t'ju demshperbleje.

    Përgjigju
  • Iris: 12/06/2020 01:03

    Po ju korcaret e keni zakon I hidhni vet prodhimet sa here qe nuk gjeni treg,kesaj here bresheri vendosi t'ju ndihmonte dhe ua hodhi se ka hall se merziteni.

    Përgjigju
  • Jeni budallepsur fare: 11/06/2020 22:08

    Sme duket normale qe kerkojne tju paguhen demet nga bashkia, ahhhhh moj bashki pse hodhe bresher dhe shi mbi ate fshat. Ka per te dale ndonje budalla tjeter qe ti kerkoj bashkise nje pale kepuce te reja meqe ja prishi shiu dhe bora.

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit