POP 5

Lajmet më të lexuara të 5 minutave të fundit

Ekonomi

Garanton 20% të ekonomisë së vendit, Bujqësia mbetet më pak e kredituara! Bankat tregojnë arsyet e hezitimit për t'i dhënë hua fermerëve

Bujqësia është sektori që garanton rreth 20% të ekonomisë së vendit si dhe punëson 1/3 e shqiptarëve, ndërkohë që nga ana tjetër mbetet një sektor i pa-formalizuar dhe i nën-financuar.  Edhe pse kreditimi i ekonomisë ndër vite ka ardhur në rritje, tek bujqësia ka ndodhur krejt e kundërta pasi ka pësuar rënie, pasi aksesi në financë i fermerëve është i vështirë.

Garanton 20% të ekonomisë së vendit, Bujqësia mbetet më pak e kredituara! Bankat tregojnë arsyet e hezitimit për t'i dhënë hua fermerëve

Të dhënat e 5 viteve të fundit flasin për kreditim në nivele minimale për këtë sektor. Sipas të dhënave të Bankës së Shqipërisë kredia e re e dhënë në 11 muajit e vitit të kaluar ishte në vlerën e 2.02 miliardë lekë, duke u ulur me 6.2% në raport me vitin 2020. 

Në total për vitin 2020 për bujqësinë kredia e re ishte 2 miliardë e 497 milionë lekë. Ndërkohë në vitin 2019 kredia e re e dhënë për bujqësinë ishte 2.1 miliardë lekë, rreth 2-fish më pak se në 2018 kur bankat kishin dhënë 4 miliardë e 167 milionë lekë.

KREDIA E RE E DHËNË PËR BIZNESET 
Viti 2017                   3.086 mld lekë
Viti 2018                   4,167 mld lekë
Viti 2019                   2.108 mld lekë
Viti 2020                   2.497 mld lekë
11 muaj të 2021      2.024 mld lekë

Sipas Bankës së Shqipërisë aktualisht, sektori bujqësor përfiton vetëm 1.7% të financimit që bankat ofrojnë për biznesin privat, dhe mbetet  shumë larg nevojave reale të sektorit. 

Shkaqet kryesore sipas bankave për këtë nivel kaq të ulët të kreditimit janë të shumta, duke nisur nga informaliteti, mungesa e kolaterlait, problemet e pronësisë, apo varësia kushtet e motit. Probleme këto që u përmendën edhe nga Bledar Shella, kryetar i shoqatës së Bankave, gjatë prezantimit të kredisë sovrane prej 1 miliardë lekësh në 26 janar.

Por shkak tjetër është edhe mungesa e sigurimit të këtij sektor. Mungesa e sigurimit të fermerëve e ekspozon edhe më shumë këtë sektor ndaj rreziqeve të kushte atmosferike, qofshin përmbytje, ngrica apo thatësira. Dhe në mungesë të një investimi të sigurt, edhe bankat hezitojnë të japin kredinë për shkak se nuk janë të bindura që huaja do tu kthehet sipas afateve. 

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit