POP 5

Lajmet më të lexuara të 5 minutave të fundit

Kultura

Çahen muret, Manastiri i Ardenicës rrezikon shembjen! Drejtori i muzeut: I lutem Ramës për ndërhyrje urgjente

Manastiri i Ardenicës në Lushnje rrezikon shembjen! Muret janë çarë për shkak të erozionit të tokës dhe plasaritjeve nga tërmeti. Drejtori i Muzeut dhe Kryetarja e Bashkisë së Lushnjës thanë për Report TV se kërkohet ndërhyrje emergjente nga Ministria e Kulturës.

Manastiri i Ardenicës një ndër pikat më atraktive të turizmit kulturor në zonën e Myzeqesë rrezikon të shembet. Për shkak të erozionit të tokës por dhe dëmtimeve nga tërmeti i para 4 viteve janë çarë muret. Kërkohet ndërhyrje e menjëhershme për konservim dhe restaurim, tha në intervistë për Report TV, Drejtori i Muzeut Historik të Lushnjes.

 “Tërmeti i 29 nëntorit ka lënë pasoja. Manastiri ka pësuar dmtime të mëdha në murin perëndimor. Duhet ndërhyrje e menjehershme. kjo pasuri 10 shekullore rrezikon të shembet. Duhet ndërhyrë për të ruajtur kujtimin e shkollës së parë shqipe dhe të bibliotekës. Aty ka vënë kurorë Gjergj Kastrioti Skenderbeu”.

Përmes Report TV, drejtori i muzeut, profesor Niko Ferro i drejtohet drejtpërdrejt Kryeministrit Rama.

 “I drejtohem Kryeministrit të ndërhyrje. Kjo pasuri rrezikon të zhduket. Muri ka pësuar shembje po ashtu dhe dherat kanë rënë”.

“Bashkia e Lushnjes i është drejtuar me shkresë zyrtare Institutit të Monumenteve, port ë mos mbetemi tek shkresat. Po e përsëris duhet ndërhyrje urgjente”.

Kryetarja e Bashkisë së Lushnjes, Eriselda Sefa tha për Report TV se ka njoftuar zyrtarisht Ministrinë e Kulturës dhe atë të Turizmit për rrezikun që i kanoset këtij monumenti të trashëgimisë kulturore.

 “I kemi kërkuar ministrisë së kulturës dhe të turizmit. Ministria e Kulturës duhet të merret me këtë. Jemi në pritje të përgjigjes”, tha Sefa.

Në një sipërfaqe që sot zë 2,500 metra katrorë, manastiri u ndërtua në vitin 1282 dhe pasurua përgjatë shekujve. Në prill të 1451, Skënderbeu u kurorëzua në martesë me Donikën në altarin e këtij manastiri. Kisha e Shën Mërisë është dhe godina më imponuese e gjithë manastirit bizantino-ortodoks.

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Trashegimia kulturore: 25/09/2023 16:29

    A ka ndonje tender? Se per keto gjera nuk ia ndjen qeverise jo.

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit