POP 5

Lajmet më të lexuara të 5 minutave të fundit

Sport

Daja në pikëpyetje, por nuk rrezikon vetëm trajneri i Partizanit! Sinani për Brdaric: Nuk duhet të largohet, riktheu Vllazninë e bukur

Barazimi kundër Egnatias ka lëkundur tej mase stolin e Ilir Dajës te Partizani pavarësisht se pas humbjes në derbi drejtuesit nuk e lejuan të largohej. Në një situatë të ngjashme ndodhet edhe Brdaric te Vllaznia, por një legjendë e këtij klubi si Vioresin Sinani thotë për ‘Report TV’ thotë se drejtuesit duhet ti besojnë ende trajnerëve.

Barazimi 1-1 me Egnatian që përkthehet me shpërdorimin e mundësisë për të marrë fitoren e parë në kampionat për këtë sezon ka trazuar shumë ujrat te Partizanit. Trajneri Ilir Daja është shprehur i gatshëm një javë më parë për t’u larguar nga bankina, por drejtuesit e klubit i kërkuan të qëndronte. Gjithsesi ndeshja e fundit ka lëkundur edhe drejtuesit, ndërsa vetë trajneri kryeqytetas ka qenë i pezulluar për shkak të derbit me Tiranën.

Daja ndërkohë nuk është i vetmi që sheh t’i lëkundet stoli. E njëjta situatë, edhe pse më e zbehur, përflitet edhe për Brdaric te Vllaznia, klub që në dy ndeshjet e fundit ka pësuar humbje. Në lidhje me këto situate për Report Tv ka folur Vioresin Sinani, golashënuesi më i mirë i historisë në Superligë dhe klubin shkodran, i cili aktualisht është trajner i ekipit U-19 te Vllaznia.

“Unë do flas për Vllaznisë sepse për Partizanin nuk më takon dhe i di vetë punët e veta. Për Vllazninë do të thoja që ka një trajner shumë të mirë pavarësisht se drejtuesit e klubit i dinë të gjitha. Trajneri aktual si vitin e kaluar ashtu edhe këtë sezon Brdaric ka bërë ndeshje të bukura. Vllaznia është kthyer sulmuese dhe te lojrat e mira. Megjithatë unë besoj se Vllaznia e ka trajnerin e mirë,”-shprehet Vioresin Sinani.

Pas 7 javësh kampionat Vllaznia renditet në vendin renditet në vendin e katërt me 9 pikë, 8 më pak se Tirana kryesuese, ndërsa Partizani ka vetëm 5 pikë dhe renditet në vendin e tetë.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit