POP 5

Lajmet më të lexuara të 5 minutave të fundit

Sociale

Dhunohen varret në Berat, vidhen kupat e bronzit! Roja: Janë të droguar, thyejnë fotografitë

Në varrezat e Suelasit në qytetin e Beratit edhe te vdekurit nuk prehen të qetë pasi prej marsit të 2021 janë vjedhura zbukurime, vazo bronzi e deri në bastisje të plotë të varreve të familjarëve. Roja i varreve nëprmjet report tv i drejtoi një apel shtetit të marrë masa dhe shtoi se grabitësit janë persona të droguar

BERAT- Thyerje të fotografive prej porcelani, grabitje e vazove të ndriçimit të bronzit dhe dëmtime të llojeve të ndryshmi deri në shkatërrim të plotë të varreve është panorama në varrezat e Suelasit të qytetit të Beratit

Roja i varrezave, Polizoi Tavanxhiu tregon se ka parë se dhunuesit shpesh janë persona të droguar  që i marrin zbukurimet metalike dhe kupat prej bronzi, duke i çuar në pikat e mbledhjes së hekurave.

 “Edhe tek varri i babait tim kanë marrë, edhe tek të gjithë. Edhe atje matanë kanë thyer varrin, kanë marrë fenerët.  I kanë marrë të tëra”, tha Tavanxhiu.

Sipas rojes, ky fenomen ka ndodhur që prej 12 marsit të vitit 2021, ndërsa i drejton edhe një apel autoriteteve shtetërore të ndërhyjnë pasi pavarësisht denoncimeve deri më tani nuk është marrë ndonjë masë.

 “Në 12 mars është bërë grabitja e varrezave e nuk dihet. Denoncimin në policinë e shtetit e bëra që isha dezhurn. Ato i djegin gotat, i shtypin gota i përziejnë. Tani i lutem shtetit të marrë masa, se është një pronë që është e të gjithë popullit nuk është vetëm e imja”, rrëfen ai.

Bastisja e varrezave publike është një fenomen i njohur prej disa vitesh. Varret e dëmtuara janë me pllaka betoni, ndërsa dhunohen për t’u përdorur për skrap pjesë metalike e sende me vlerë  që shiten më pas në treg.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 18/04/2021 03:28

    Po mire, ti per cfare je aty,per cfare paguesh?A nuk je ti qe ke detyren e ROJES? Ne se ke frike se mos te vrasin,prandaj nuk guxon qe te ndeshesh me ta dhe t'i ndalosh,te pakten ne momentin qe i shikon,ose i degjon,lajmero policine!!!

    Përgjigju
    • Era: 19/11/2021 08:22

      Eshte i vetmi njeri qe i eshte perkushtuar me vite dhe ka bere te pamunduren per ti mbrojtur si ne kohen e 97 kur s'ja mbante njeriut dhe sot. Kur te shkruash pyet njehere pastaj bej komente pa lidhje. Kur s'te funksionon shteti kur i raporton cfare do bej nje i vetem...

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit