POP 5

Lajmet më të lexuara të 5 minutave të fundit

Kultura

Dita ndërkombëtare e muzeve, aktivitet në parkun e Apolonisë! Me qindra qytetarë vizitojnë muzeun arkeologjik

Në Muzeun arkeologjik të Apolonisë në Fier me dhjetëra qytetarë të  grupmoshave të ndryshme u bënë pjesë e aktivitetit në ditën ndërkombëtare të muzeve, duke  shijuar tingujt e muzikës dhe performancat e të vegjëlve, pasi vetë synimi i kësaj dite është trashëgimimi i artit dhe kulturës kryesisht tek fëmijët e të rinjtë

Në “Ditën e Muzeve” në Parkun arkeologjik të Apolonisë u prezantuan objekte të veçanta për qytetarët e dashamirësit e vegjël të artit.

“Kemi bërë një ecje rreth mureve të këtij qyteti, dhe njëkohësisht zhvilluam një orë edukative me nxënësit e shkollës së Pojanit, duke u mësuar atyre se çfarë ishte mozaiku, si ta vizatonin dhe çfarë përfaqësonte në antikitet ky lloj arti. Dhe e përmbyllim sot në mbrëmje me dy nga eventet kryesore që është ekspozita me fotografi”.- tha Ornela Dyrmish.

Për arkeologun Bashkim Vrekaj kjo është një pasuri e vyer e arkeologjisë dhe historisë shqiptare, e cila promovon dhe shërben si një pol tërheqë për turistë e vizitorë nga e gjithë bota.

“Vizitori duke mbaruar vizitën në park dhe duke vazhduar në muze është në gjendje të krijoi një ide më të plotë për mënyrën e jetesës, kulturën, artin e një qendre të caktuar në rastin tonë të Apollonisë. Sepse ky muze është shumë i pasur në objekte arkeologjike, të cilat kanë dal në dritë nga gërmimet e metropolit, dhe kjo ia rrit vlerat”- u shpreh Bashkim Vrekaj.

Ndërkohë dy misione arkelogjike ai shqiptaro-francez dhe ai shqiptaro- gjerman se shpejti rifillojnë punën për zbulimin e monumenteve dhe sekreteve që fsheh nëntoka e këtij siti të rëndësishëm arkeologjik.

“Janë dy ekipe që gërmojn në Apoloni ekipi shqiptaro-francez, i cili ka filluar gërmimet që në 90’ e deri më sot dhe ekipi tjetër shqiptaro gjerman, i cili gërmon në tempullin e shtyllasit. Pra dy misione që i kanë sjell Apollonisë gërmime të vazhdueshme gjatë gjithë këtyre viteve, dhe sigurishtë gërmimet fillojn gjatë muajit e verës”.- tha Ornela Dyrmish.

Muzeu i Apolonisë është një nga më të vjetrit e hapur në vend që prej viteve 50' dhe ka një ekspozitë të pasur me artefakte dhe okbjekte të shumta arkeologjike .

M.Q./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit