POP 5

Lajmet më të lexuara të 5 minutave të fundit

‘Duke lëvizur me shpejtësi deri në 191 km/h dhe duke përdorur celularin’, pezullohen 82 patenta dhe vendosen 156 gjoba, vazhdojnë kontrollet në Rrugën e Kombit

Vazhdojnë kontrollet në Rrugën e Kombit nëpërmjet makinave inteligjente  dhe radarëve, me qëllim konstatimin e të gjitha shkeljeve të rregullave të qarkullimit rrugor, ku si rezultat janë pezulluar 82 leje drejtimi dhe janë vendosur 156 gjoba.

Vazhdojnë kontrollet në Rrugën e Kombit nëpërmjet makinave inteligjente  dhe radarëve, me qëllim konstatimin e të gjitha shkeljeve të rregullave të qarkullimit rrugor, ku si rezultat janë pezulluar 82 leje drejtimi dhe janë vendosur 156 gjoba.

Gjatë paradites së djeshme deri në orët e vona të mbrëmjes, makina inteligjente dhe radari automatik kanë skanuar shpejtësi 100 km/h në rrugën Milot – Rrubik, si dhe nga 145 km/h deri në 191 km/h, në Rrugën e Kombit, në kushtet e lagështirës në rrugë, ku rreziku është akoma edhe më i madh, për t’u përfshirë në ngjarje rrugore.

Gjatë monitorimit janë konstatuar shumë drejtues mjetesh, të cilët, krahas qarkullimit me shpejtësi mbi normat  e lejuara, përdornin dhe aparatin celular gjatë drejtimit të mjetit, si dhe shumë prej  tyre nuk kishin vendosur rripin e sigurimit, konkretisht:

٠39 drejtues mjetesh, krahas qarkullimit me shpejtësi mbi normën e lejuar, janë ndëshkuar edhe për mosvënie të rripit të sigurimit;

٠54 drejtues mjetesh, krahas qarkullimit me shpejtësi mbi normën e lejuar, janë ndëshkuar edhe për përdorim të aparatit celular gjatë drejtimit të mjetit, si dhe

٠35 drejtues janë evidentuar duke i kryer të treja shkeljet njëkohësisht, qarkullim me shpejtësi mbi normën e lejuar, mosvënie të rripit të sigurimit, si dhe përdorim të aparatit celular gjatë drejtimit të mjetit. Masat administrative për këta drejtues mjetesh, kanë variuar nga 30.000 lekë të rinj deri në 100.000 lekë të rinj.

Policia Rrugore bën apel për zbatimin e rregullave të qarkullimit rrugor për të gjithë përdoruesit e rrugës.

S.C/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit