Dy ditë pa bukë, pas apelit në Report Tv mbërrijnë ndihmat për familjen Ajdini në Memaliaj

Pak ditë më parë Report TV, përcolli dramën e familjes Ajdini në qytetin e Memaliajt e cila vuan për bukën e gojës. Veç kësaj kjo familje me katër anëtarë është përjashtuar nga skema e re e ndihmës dhe përkrahjes sociale.

Pas jehonës që u përcoll tek Report TV problematika shëndetësore e fëmijëve të kësaj familjeje të cilët veçse të sëmurë, kishin edhe 48 orë pa ngrënë ushqim, ka ardhur reagimi i parë nga “Fundjava Ndryshe”.

Vullnetarë të “Fundjava Ndryshe” kanë sensibilizuar biznese të ndryshme në kryeqytet, për të ndihmuar me ushqime familjen Ajdini e cila vuan mungesën e bazës elementare ushqimore apo sikur quhet ndryshe ushqimet e shportës.

Një ditë më parë, në familjen Ajdini, kanë mbërritur ushqime bazë nga “Fundjava Ndryshe” të cilat janë të mjaftueshme për ecurinë dy mujore të të katër anëtarëve të familjes në fjalë. Mes lotësh prindërit e fëmijëve epileptikë dhe të vobektë, kanë falenderuar “Fundjavën Ndryshe” për ndihmën ushqimore.

Përfaqësues të “Fundjavës Ndryshe” kanë falenderuar Report TV për sensibilizimin e problematikës së familjes Ajdini dhe premtuan se ndihmat nuk janë të fundit por do të vijojnë edhe përgjatë muajve në vazhdim.

Me futjen e sistemit të skemës së re të ndihmës ekonomike, familja Ajdin nga Memaliaj ishte hequr nga trajtimi me ndihmë. Megjithëse kushte të vëna nga shteti për të përfituar ndihmë ekonomike janë të çuditshme, pasi një familje e varfër sipas kësaj skeme nuk duhet të ketë as televizor e as frigorifer, kjo gjë ka çuar shumë familje në pamundësi për tu ushqyer çdo ditë.

TAG:
• ndihma ekonomike
• astrit ajdini
• memaliaj
• familja ajdini
• fundjava ndryshe
• varferi

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë