POP 5

Lajmet më të lexuara të 5 minutave të fundit

Sociale

E divorcuar, 42-vjeçarja mbetet në rrugë me 2 fëmijë, apel Bashkisë Elbasan: Më strehoni, jam sëmurë, pa shtëpi e me borxhe

Divorci që erdhi për shkak të dhunës në familje ka shkaktuar dramë për Eglantina Murrën e cila, po rrit e vetme dy vajzat, pa asnjë mbështetje. Përmes mikrofonit të Report Tv kërkon strehim nga Bashkia e Elbasanit, pasi është e sëmurë dhe nuk mundet të sigurojë as kushtet minimale të jetesës.

Eglantina Murra po rrit e vetme dy vajzat binjake, mes vështirësive të shumë ekonomike e sociale. Për shkak të dhunës, 42-vjeçarja është në proces divorci me ish-bashkëshortin, ndërsa endet sa në një banesë në tjetër për shkak të pamundësisë për të paguar qiranë.

"Pa shtëpi jam e ndarë me burrin. Jam mes 4 rrugëve kryq, nuk di si të shprehem. Më kanë thënë të liroj shtëpinë se e kanë në shitje, po kërkoj me gjet shtëpi tjeter me qira.

Eglantina është e papunë, dhe jeton me pensionin e invaliditetit. Mes lotësh thotë se ka hyrë në borxhe dhe kredi për të rritur vajzat.

"Jam invalide e papunë, marr 100 mijë lek (të vjetra) KEMP dhe 15 mijë lek përkrahje sociale. Tani mendoj vetëm të kem një shtëpi timen, që të mos paguaj shtëpitë e botës e të mbetem jashtë prapë.

Çfarë të ardhme po u jap vajzave unë?! Kam hyrë borxh për tu vendosur syzet të dyjave. I kam operuar për gurë në tëmth dhe për bajamet".

42-vjeçarja vuan nga lupusi, sëmundje autoimune që sulmon organet ne vend që t'i mbroje ato. Kjo sëmundje i shkakton lodhje, ethe dhimbje në kyçe.

"Fëmija rritet e kanë më shumë shpenzime. Vetë jam e sëmurë e nuk punoj dot. Më thonë mua: Puno! Puno! Po këmbët më dhembin s'punoj dot... Kam marrë goditje në kokë se kam bërë aksident, kam rënë në depresion disa here".

Përmes Report Tv, Eglantina Murra apelon Bashkinë e Elbasanit dhe Shërbimin Social që ti sigurojë një banesë sociale, pasi e ka të pamundur të rrisë e vetme vajzat.

"Po çfarë kërkoj unë? Nuk kërkoj burrë jo, se burrë jam vetë! Kërkoj strehim se veç rrobat e trupit kemi unë dhe fëmijët...Dua një shtëpi të fus kokën!"

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit