POP 5

Lajmet më të lexuara të 5 minutave të fundit

Kronikë

Tepelenë, 42-vjeçari godet me thikë gruan në veshkë dhe pas veten në qafë! Çifti përfundon në spital, janë prindër të një fëmije me autizëm

Një krim i rëndë në familje u shënua në Tepelenë ku Lulzim Nanaj goditi me thikë bashkëshorten duke i shkaktuar plagë të rëndë, e më pas tentoi të vriste dhe veten. Të dy janë transportuar në spital, ndërsa fqinjët jashtë kamerave thanë se ata janë prindër të një fëmije me autizëm dhe kanë probleme të theksuara ekonomike.

Floreta Nanaj, 40 vjeçe, nënë e një fëmije me autizëm, mbeti e plagosur dhe po lufton për jetën në spitalin e Tepelenës. Ajo u godit me thikë në bark nga bashkëshorti i saj pas një debati në banesë. Krimi në familje u regjistrua në orën 09:40 në katin e dytë të këtij pallati në lagjen “Selam Musai” të Tepelenë. Autori i krimit Lulzim Nanaj, 42-vjec pasi ka goditur gruan, ka plagosur edhe veten me thikë dhe të dy janë transportuar me urgjencë në spital, ku në gjendje më të rëndë ndodhet gruaja.

Natyra e konfliktit mbetet mister kjo edhe pë shkak të gjendjes së rënduar të çiftit Nanaj, të cilët janë konfliktuar mëngjesin e sotëm. Nuk dihet arsyeja e këtij shkaku, që policia tha se është konflikt i çastit, ku mbeti e plagosur në gjendje më të rëndë, Floreta Nanaj, e cila po i nënshtrohet ndërhyrjes kirurgjikale dhe të afëmit po japin gjak, pasi ka pasur hemorragji të madhe.

Fqinjët jashtë kamerave thanë se kanë dëgjuar debatin me zë të lartë në shtëpinë e çiftit Nanaj por nuk janë në dijeni të motiveve. Ata thanë se çifti Nanaj jeton në kushte të vështira ekonomike, Floreta shet në tregun e rrobave të përdorura, ndërsa i shoqi që tentoi ti merrte jetën është i papunë.

Nngjarja e rëndë ka ndodhur në katin e dytë të pallatit në banesën e tyre në Tepelenë. 40-vjeçarja është qëlluar në zonën e veshkës dhe një kapilar gjaku është dëmtuar dhe gjendja e saj është shumë e rënduar në këto momente.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit