POP 5

Lajmet më të lexuara të 5 minutave të fundit

Kronikë

Ekstradohet shqiptari i parë drejt Anglisë, 24-vjeçari akuzohet se vrau punëdhënësin britanik

24-vjeçari ka bërë rekurs ndaj vendimit të lejimit të ekstradimit në shtetin britanik, por Kolegji Penal ka rrëzuar kërkesën e tij dhe është lejuar ekstradimi drejt Mbretërisë së Bashkuar. 

Ekstradohet shqiptari i parë drejt Anglisë, 24-vjeçari akuzohet se vrau punëdhënësin britanik

Elton Sefa dhe viktima John Woodward

TIRANË - Është ekstraduar drejt Britanisë së Madhe 24-vjeçari shqiptar, Elton Sefa, i kërkuar nga autoritetet atje për vrasjen e një shtetasi britanik, duke shënuar rastin e parë të esktradimit nga SHqipëria drejt Anglisë, që nga hyrja në fuqi e marrëveshjes së ndërsjelltë në 19 korrik të 2018-ës. 
 
24-vjeçari nga Durrësi akuzohet se më 17 prill 2018, ka sulmuar punëdhënësin, John Woodward, duke i shkaktuar atij vdekjen. Pas kryerjes së vrasjes, Elton Safa është larguar nga territori i Mbretësisë së Bashkuar dhe është arrestuar në Shqipëri në zonën e Shijakut në muajin shkurt 2019, me qëllim ekstradimi drejt Anglisë.

Më 5 janar të 2018 Gjykata e Magjistratëve në Westminster, Mbretëri e Bashkuar, caktoi masë sigurimi “Arrest në burg “ për veprën penale “Vrasja”, parashikuar nga legjislacioni penal britanik.

24-vjeçari ka bërë rekurs ndaj vendimit të lejimit të ekstradimit në shtetin britanik, por Kolegji Penal ka rrëzuar kërkesën e tij dhe është lejuar ekstradimi drejt Mbretërisë së Bashkuar. 

Më 17 prill 2019 gjyqtari i Durrësit që kryesonte trupën e togave të zeza në seancë, Rexhep Bekteshi, vendosi të mos pranojë kërkesën e palës mbrojtëse që pretendonte se Sefa është person me probleme mendore dhe se nuk duhet te ekstradohet. Prindërit e të riut pas vendimit thanë se gjykata i ka vrarë familjarisht. Sipas tyre djali u kthye nga Anglia i papërgjegjshëm mendërisht, arsye për të cilën u shtrua në spitalin psikiatrik në Tiranë prej 26 shtatorit 2018 deri në 13 gusht 2019.

 Elton Sefa dhe viktima John Woodward 

Ky është rezultati i parë pas Marrëveshjes dypalëshe, ndërmjet Republikës së Shqipërisë dhe Mbretërisë së Bashkuar dhe Irlandës së Veriut, ratifikuar me Ligjin nr. 93/2017 që plotëson Konventën Europiane të Ekstradimit të vitit 1957.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Llazi: 15/01/2020 17:44

    Asnje marrveshje midis ketyre vjetersirave politike nuk kam per synim shqiptaret dhe permiresimin e gjendjes se tyre, perkundrazi

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit