POP 5

Lajmet më të lexuara të 5 minutave të fundit

Sport

Njeriu i Dukës voton në zgjedhjet e futbollit në Durrës me firmë të falsifikuar! Kreu i shoqatës i zgjedhur sot merr pjesë në Asamblenë e FSHF, ku votohet për Presidentin e ri (DOKUMENTI)

Report Tv zbulon se procesi për zgjedhjen e kryetarit të shoqatës së Futbollit në Durrës është manipuluar, dhe e gjitha duket si një lëvizje e kreut të Federatës Shqiptare të Futbollit Armando Duka për të mbajtur në pozicione drejtuese njerëzit e tij që në fund të shkurtit i duhet ta votojnë për një mandat të 6-të në krye të FSHF-së.

Njeriu i Dukës voton në zgjedhjet e futbollit në Durrës me firmë të falsifikuar! Kreu i shoqatës i zgjedhur sot merr pjesë në Asamblenë e FSHF, ku votohet për Presidentin e ri (DOKUMENTI)

Një shkelje e rëndë është shënuar në zgjedhjet që u  mbajtën sot për kryetar të shoqatës të futbollit në Durrës.  22 anëtarë të shoqatës votojnë për të zgjedhur kryetarin, i cili ka të drejtën për të votuar më tek në zgjedhjet për kreun e FSHF-së që pritet të mbahen në fund të muajit shkurt.

Report Tv mëson se njëri prej anëtarëve të shoqatës, konkretisht Fundim Dollaku, ka votuar për kryetarin si përfaqësues i mandatuar nga bashkia e Shijakut. Por në fakt, një faksimile e Bashkisë tregon se i mandatuari nga kryebashkiaku Elton Arbana është Altion Keçi pasi është drejtor i klubit shumësportësh të Erzenit dhe jo Dollaku që ka votuar. Kjo ngre pikëpyetje të mëdha mbi saktësinë e këtij procesi zgjedhor në Shoqatën e Futbollit të Durrës, që është në varësi të FSHF-së.

Report TV kontaktoi edhe zotin Altin keci i  cili tha se ‘përfaqësimi i tij është falsifikuar’.

Ky falsifikim i një procesi zgjedhor jo shumë të rëndësishëm në futboll, merr rëndësi të veçantë në këtë periudhë kur Armand Duka përballet në muajin shkurt me zgjedhjet për kryetarin e FSHF-së post që e mban prej 5 mandatesh dhe kërkon një të gjashtë, përballë kandidatit të vetëm deri më tani, komentatorit sportiv, Dritan Shakohoxha.

Kryetari i Shoqatës nuk voton i vetëm në zgjedhjet për FSHF, por përzgjedh edhe 3 anëtarë të shoqatës, duke shpjeguar kështu edhe arsyen pse në këtë proces zgjedhor lokal në Durrës, pati manipulim.

Nga ky votim, kryetar i Shoqatës u zgjodh Mikel Furrxhi, ndërsa anëtarët e shoqatës i hoqën mundësinë për të garuar një kandidati kundërshtar, duke zhvilluar garë pa garë vetëm me kryetarin që u rizgjodh.

Një rast dhe prove për prokurorinë që nuk duhet të rri duarkryq përballë fallsifikimeve haptazi që po ndodhin në sy të të gjithëve.

Ne.k./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit