POP 5

Lajmet më të lexuara të 5 minutave të fundit

Kronikë

Falsifikuan testet COVID për të kaluar kufirin, arrestohen në Morinë 5 persona, shpallen në kërkim 3 të tjerë! Nën hetim 2 të mitur dhe një 40-vjeçar

Pesë persona janë arrestuar ditën e sotme në pikën kufitare të Morinës, janë shpallur në kërkim tre, si dhe kanë nisur hetimet edhe për 3 persona të tjerë, të akuzuar për falsifikim të testeve COVID si dhe dhënie ndihme për kalimin e paligjshëm të kufirit.

Falsifikuan testet COVID për të kaluar kufirin, arrestohen në Morinë 5 persona, shpallen në kërkim 3 të tjerë! Nën hetim 2 të mitur dhe një 40-vjeçar

Foto ilustruese

Pesë persona janë arrestuar ditën e sotme në pikën kufitare të Morinës, janë shpallur në kërkim tre, si dhe kanë nisur hetimet edhe për 3 persona të tjerë, të akuzuar për falsifikim të testeve COVID si dhe dhënie ndihme për kalimin e paligjshëm të kufirit.

Me një njoftim për mediat, bëhet me dije se në pranga kanë rënë Bajram Gjana, 54 vjeç, për veprën penale “Dhënie ndihmë për kalim të paligjshëm të kufirit”; Mirela Saraseli, 40 vjeçe,Ilir Korriku, 24 vjeç, Kevin Prifti, 23 vjeç, për veprën penale “Falsifikim i dokumenteve”; Blerim Kruja, 36 vjeç, për veprat penale “Dhënie ndihmë për kalim të paligjshëm të kufirit” dhe “Falsifikim i dokumentave”.

Ndërkohë janë shpallur në kërkim I. D., 40 vjeç, O. Sh, 38 vjeç dhe A. E., 23 vjeç, për veprën penale “Dhënie ndihmë për kalim të paligjshëm të kufirit” si dhe kanë nisur hetimet për F. D, 40 vjeç, G. S, 16 vjeç dhe I. S, 15 vjeçe, për veprën penale “Falsifikim i dokumentave”.

Saraseli, Korriku, Prifti dhe personat me inicialet  F. D, G. S, I. S, janë kapur në flagrancë në mjetin fugon i cili drejtohej nga Bajram Gjana, në pikën kufitare  të Morinës me teste COVID  të falsifikuara me qëllim kalimin për në Kosovë dhe më pas me destinacion vendet e BE-së.

Ndërsa Gjana, Kruja dhe personat me inicialet I. D, O. Sh, A. E, dyshohet se kanë  dhënë ndihmë për kalim të paligjshëm të kufirit shtetasve të lartpërmendur. Gjithashtu, Blerim Kruja ka kryer dhe falsifikimin e analizave të laboratorike të PCR-së, duke i bërë në një pikë interneti.

Hetimet u kryen nga Prokuroria e Tiranës, ndërsa arrestimet u kryen nga Komisariati i Policisë Nr.1 në bashkëpunim me PKK Morinë. Materialet i kaluan Prokurorisë së Rrethit Gjyqësor Tiranë, për veprime të mëtejshme.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Loni: 10/11/2021 16:54

    Bravoooo bravoooo urime! Akoma me teste fallco!? Po Po hajde Albanistan hajde...

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit