POP 5

Lajmet më të lexuara të 5 minutave të fundit

Sport

Ferrari sposton Red Bullin pas 14 garash, Sainz fiton me 'Kokëkuqen'! Verstappen i pesti, Hamilton në podium

Pas 14 garash dominimi nga Red Bulli, Formula 1 pa Ferrarin dhe konkretisht Carlos Sainz që të fitonte në Çmimin e Madh të Singaporit.

Ferrari sposton Red Bullin pas 14 garash, Sainz fiton me 'Kokëkuqen'! Verstappen i pesti, Hamilton në podium

Carlos Sainz me Ferrarin e tij

Pas 14 garash dominimi nga Red Bulli, Formula 1 pa Ferrarin dhe konkretisht Carlos Sainz që të fitonte në Çmimin e Madh të Singaporit. Në cirkuitin e Marina Bay, spanjolli i "Kokëkuqes" i la pas të gjithë dhe mori vendin e parë. Kjo ishte fitorja e tij e dytë në karrierë, duke lënë në vendin e katërt shokun e skuadrës, Leclerc.

Në vendin e dytë Lando Norris me McLaren, teksa britaniku u nis nga pozicioni i katërt. Në podium edhe Lewis Hamilton me Mercedes, që siguroi vendin e tretë. Piloti tjetër i Red Bull, Sergio Perez vetëm në vendin e tetë.

Verstappen kryeson renditjen e pilotëve me 374 pikë, më pas Perez 223 pikë, ndërsa në vendin e tretë qëndron Hamilton me 180 pikë. Sa i përket Sainz, spanjolli shkon në kuotën e 142 pikëve, 28 më pak se Fernando Alonso.

Në renditjen e konstruktorëve, Red Bull me 597 pikë lë shumë pas Mercedesin, që ka vetëm 289 pikë. Edhe pse në Çmimin e Madh të Singaporit Red Bulli nuk ishte në pod, skuderia britanike është drejt titullit kampion në të dyja disiplinat, si për pilotë dhe për konstruktorë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit