POP 5

Lajmet më të lexuara të 5 minutave të fundit

Kultura

Fier/ Festivali i Aktrimit 'Apollon', Yllka Mujo dhe Myzafer Zilfa rrëmbejnë 2 çmimet e mëdha, jepen edhe 4 'In memoriam' (VIDEO)

Myzafer Zifla dhe Yllka Mujo, rrëmbejnë 2 çmimet e mëdha të Festivalit të Aktrimit Apollon, organizuar nga Bashkia e Fierit. Çmime të tjera të këtij festivali ishin edhe  çmimi për aktorin dhe aktoren jo protagoniste, të cilat i morën aktorët Gazmend Paja dhe Zamira Kita. Për herë të parë në këtë festival janë dhënë 4 çmime IN MEMORIAM për aktorë të shquar fierakë të ndarë nga jeta; Dhimitër Jano, Fatos Sela, Muhamet Sherri dhe Hajrie Rondo

Fier- Myzafer Zifla dhe Yllka Mujo, rrëmbejnë 2 çmimet e mëdha të Festivalit të Aktrimit Apollon, organizuar nga Bashkia e Fierit.

Juria e Festivalit, me emra si Luiza Xhuvani, Alfred Trebicka, Katerina Polikronopulu, Adriana Mile i kanë dhënë çmimin Aktorja më e mirë Protagoniste aktores Yllka Mujo, në shfaqjen "7 Minuta" dhe çmimin Aktori më i mirë Protagonist aktorit Myzafer Zifla, në rolin e Dr. Frojdit.

Çmime të tjera të këtij festivali ishin edhe  çmimi për aktorin dhe aktoren jo protagoniste, të cilat i morën aktorët Gazmend Paja dhe Zamira Kita.

Një çmim tjetër që u dha për herë të parë në këtë festival ishte edhe ai për aktoren dhe aktorin debutues, të cilat i morën aktorët e rinj: Flobenza Bezati dhe aktori kosovar Çlirim Shabani. 

Për herë të parë në këtë festival janë dhënë 4 çmime IN MEMORIAM për aktorë të shquar fierakë të ndarë nga jeta; Dhimitër Jano, Fatos Sela, Muhamet Sherri dhe Hajrie Rondo.

Aktori më i mirë protagonist Myzafer Zifla dhe aktori më i mirë joprotaginist Gazmend Paja, u shprehën mjaft të emocionuar për vlerësimin e jurisë prestigjoze. 

Festivali i aktrimit “Apollon” këtë vit ishte në edicionin e 15 të tij. Në të morën pjesë 6 trupa teatrore, në të cilat interpretuan 30 aktorë. Ai nisi në 10 nëntor dhe zgjati 7 netë.
 

A.Q/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit