POP 5

Lajmet më të lexuara të 5 minutave të fundit

Sociale

Fier, më shumë nxënës në arsimin profesional! Teknologjia e Informacionit, më e preferuara nga vajzat

Në Fier 231 nxënës u regjistruar këtë vit në skollën e mesme profesionale “Petro Sota”. Një numër 15 për qind më i lartë se vitin e kaluar. Ajo që bien ë sy është interesi i vajzave për arsimin profesional dhe mbi të gjitha për degën më trendi të momentin, Teknologjinë e Informacionit.

Arsimi profesional promovon aftësimin e vajzave në profesione të cilat gjithnjë e më shumë kërkohen nga tregu i punës. E tillë është Teknologjia e Informacionit në shkollën e mesme “Petro Sota” të Fierit, ku këtë vit janë regjistruar më shumë vajza se vitin e kaluar. Nxënëset na tregojnë arsyet pse nuk kanë shkuar në gjimnaz por kane ardhur në shkollë profesionale:

“E kam zgjedhur se mund të punësohem direkt pas shkollës se mesme. Degën e Informatikës e zgjodha se ka punë por dhe më pelqen si profesion”.

Ndryshe nga vajzat, djemtë vazhdojnë të zgjedhin degët tradicionale si Mekanikë, Transport, Elektroteknikë, Nxjerrje e Perpunim Nafte.

“Dua të punoj në kompani nafte. Më pelqen shumë, por s’do mbetem teknik do ndjek universitin për inxhinier”, thanë ata.

Në vitin e parë janë regjistruar 231 nxënës në 6 drejtimet që ofron shkolla e mesme profesionale “Petro Sota”. Numri është rritur në të gjitha degët, krahasuar me vitin e shkuar.

“Këtë vit kemi 15 për qind më shumë nxënës se vitin e kaluar”, tha drejtoresha e shkollës.

Sipas një analize nga stafi drejtues, rreth 30% e nxënësve që përfundojnë studimet në këtë shkollë vazhdojnë arsimin e lartë, ndërsa 70 për qind gjen menjeherë punë në përfundim të arsimit profesional.

R.D/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit