Fitorja me Moldavinë rikthen qetësinë, Reja e futbollistët të kënaqur (VIDEO)

Të çliruar kanë qënë në kampin e Kombëtares pas fitores 2-0 me Moldavinë. Trajneri Edoardo Reja e pranon se pati frikë se kjo ndeshje nuk mund të fitohej por në fund është i lumtur: “Vuajtëm mbi të gjitha në pjesën e dytë ndërsa në të parën nuk arritëm të konkretizonim. Ishim të lodhur dhe vuajtëm por ndryshe nuk fitohet. Jam i kënaqur pasi ky rezultat do na shërbejë për të luajtur më mirë pavarësisht se kisha frike se mund të mos fitonim”.

Edhe Presidenti Armand Duka është parë i kënaqur pas ndeshjes për të cilën më shumë është i kënaqur me tre pikët dhe nuk është fokusuar tek loja. Duka grupin e cilëson sit ë vështirë.

Myrto Uzuni tha "Unë si lojtar e kërkoj golin por e rëndësishme është që ekipi fitoi edhe falë asistit tim dhe jam shumë i lumtur për këtë pjesë”. “Shpresoj që të jap maksimumin dhe të shënoj sepse po e pres atë gol me shumë durim” tha Elseid Hysaj për gazetarin Aldo Kozarja.

Sokol Cikalleshi i lumtur deklaroi “Më shumë më lumturon fitorja pasi ishim në një situatë delikate por jam dyfish i kënaqur sepse arrita t’i hap skuadrës rrugën e fitores. Asgjë nuk është e pamundur sa i përket kualifikimit pavarësisht se është e vështirë. Ne do të luftojmë për vendin e tretë dhe pse jo edhe për të dytin”./ Përgatiti Andi Kapxhiu

TAG:
• kombetarja
• Armand Duka
• sokol cikalleshi
• Myrto Uzuni
• shqiperi-moldavi

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë