POP 5

Lajmet më të lexuara të 5 minutave të fundit

Sociale

Fole zogjsh e insektesh, si po shteron uji që furnizon një fshat të tërë (VIDEO)

300 banor të fshatit Bedyqas në Këlcyrë çdo ditë konsumojnë ujë të ndotur për shkak të depos e cila thuajse është tërësisht e kontaminuar. Banorët kanë shpesh kanë bërë kërkesa tek Ndërmarrja e ujësjellësit, por thirrjet e tyre kanë rënë në vesh të shurdhër. Duke parë neglizhencën e institucionit përgjegjës ata kanë kërkuar ndihmën e medias për të bërë publik problemin e tyre.

Një fshat i tërë është i detyruar të konsumojë ujë të ndotur në mungesë të një alternative tjetër. Bëhet fjalë për fshatin Bedyqas pjesë e Bashkisë së Këlcyrës. Fshati me 300 banorë, në mungesë të zgjidhjes së problemit jetik, kanë kërkuar ndihmën e Report TV, për të bërë publik shqetësimin që po i tmerron prej kohësh.

Depoja që grumbullon lëngun jetik të këtyre banorëve, është shndërruar në strehë brejtësish, insektesh apo dhe fole për zogjtë shtegtarë.   

Banorët kanë kërkuar disa herë vëmendje nga Bashkia apo Ndërmarrja e Ujësjellësit karshi këtij problemi, por deri tani, zgjidhja ka munguar.

Për shqetësimet e këtij komuniteti, kemi kërkuar informacione nga Ndërmarrja e Ujësjellësit në Bashkinë e Këlcyrës. Por, dera e zyrës së drejtorit, ka qenë e mbyllur përgjatë gjithë ditës  pasi ai ishte informuar për prezencën e grupit të xhirimit të Report TV në fshatin Bedyqas.

Kjo është drama që po përjeton ky komunitet ku është dënuar me vuajtje deri në helmim masiv prej ujit që sjell veç sëmundje dhe shkatërrim

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rroma: 17/02/2019 19:59

    I thoni RAMES te permjere .Me mire shurren e tij SE qeveri tjeter

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit