Hollandë/ Arrestohet shqiptari, goditi me çekiç bashkëkombasin që të merrte hak për të atin

Hollandë- Një 38-vjeçar me origjinë nga Kosova është arrestuar pasi ka përplasur me makinë bashkëkombësin dhe më pas e ka goditur me çekiç duke i shkaktuar vdekjen.

Kjo ngjarje ka ndodhur për shkak të gjakmarrjes mes dy kosovarëve në Hollandë, ku mori hakun e vrasjes së të atit.  

Në vitin 2017 në Winterswijker të Hollandës vëllai i të vdekurit vrau babain e autorit me një copë druri në kokë dhe ai ishte dëshmitar.

Në atë kohë ai ishte në moshën 12-vjeçare dhe donte të hakmerrej për vrasjen e të atit.

Deme Lulaj, 58 vjeç është personi që ndërroi jetë ditën e djeshme.

Autori 38-vjeçar kosovar u dënua me 18 vite burg nga gjykata.

“Hakmarrja është një fenomen i papranueshëm dhe i padëshirueshëm, për të cilin nuk ka vend në këtë shoqëri. Kjo është arsyeja pse vetëm dënimi me burgim të gjatë është i përshtatshëm”, është shprehur gjykatësi gjatë seancës.

Sipas medias së huaj, gjykata tha se vrasja ka qenë e mirëmenduar, pasi makina e 38-vjeçarit ishte parë disa herë në rrugën ku banonte viktima përpara vrasjes.

Autori postoi një foto në Facebook ditën e vrasjes, për ta pasur si alibi se ishte në Zvicër.

Gjithashtu gjurmët e ADN-së së viktimës u gjetën në xhaketën e 38-vjeçarit, ndërsa makina që përdori për përplasjen, ishte e regjistruar në emër të tij.

TAG:
• gjermani
• cekic
• Vdekje
• hakmarrje
• deme lulaj

Sondazhi i ditës:

5 vite nga krijimi i SPAK, jeni të kënaqur me punën e bërë?

• Po

  63.1%

• Jo

  17.7%

• Duhet më shumë

  19.2%

Vota total: 1464

Votat totale janë unike

• Sondazhi i ditës:

  5 vite nga krijimi i SPAK, jeni të kënaqur me punën e bërë?

  Po Jo Duhet më shumë