POP 5

Lajmet më të lexuara të 5 minutave të fundit

Kultura

‘Guida’ kulturore e fundjavës/ ‘Sonetet e William Shakespeare’ në teatrin e Vlorës, koncert te ‘Migjeni’! Shfaqje për fëmijë te ‘Metropoli’ në Tiranë

Art, kulturë dhe spektakël. “Ciceron”, ju njeh me aktivitetet që mund të ndiqni nesër në Tiranë dhe disa qytete të vendit.

“Sonetet e William Shakespeare” do të vijnë të interpretuara mbrëmjen e së shtunës dhe të dielës, më 19 dhe 20 tetor, në orën 19:00 te Teatri “Petro Marko” në Vlorë. Spektakli do të bazohet në interpretimin nga një Grup Aktorësh, të Sonetave më të spikatura të Shekspirit nën regjinë e Kristaq Skramit.

“Zgjohu, vëlla arush” është shfaqja për fëmijë që do të jepet këtë të shtunë dhe të diel në orën 11:00 në teatrin “Metropol” në Tiranë. E shkruar nga Janet Stanford dhe rikthehet me regji nga Suela Xhonuzi. Kjo shfaqje është një udhëtim fantastik dhe shumë argëtues nëpër katër stinët e vitit, i udhëhequr nga dy arinj të dashur, që janë motër e vëlla.

“Tinguj nga Shkodra” është koncerti që mbahet paraditen e së dielës, në 20 tetor ora 11:00 në hollin e teatrit “Migjeni”. Publiku mund të shijojë muzikën e këngëve dhe jareve shkodrane, përpunime dhe kompozime nga Arian Daija. Në repertorin e tyre bëjnë pjesë edhe vepra të autorëve si T. Harapi, Ç. Zadeja, T. Daija, P Gaci e Z. Çoba.

Në Durrës po mbahet edicioni i parë i Bienales Ndërkombëtare të Artit Bashkëkohor me temë Inteligjenca artificiale: “E ardhmja hibride”. Në të marrin pjesë 40 artistë nga 17 vende të ndryshme të botës. Veprat e tyre ekspozohen gjatë gjithë ditës në disa prej institucioneve dhe hapësirave publike të qytetit, duke përfshirë monumentet e trashëgimisë kulturore. Deri në 24 nëntor qyteti do të jetë një qendër arti ku pavijonet ndërthuren me monumentet.

“Ëndërr apo e vërtetë” është shfaqja për fëmijë, që do të vijë në 19 dhe 20 tetor në orën 11:00 në teatrin “Zihni Sako” në Gjirokastër.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit