POP 5

Lajmet më të lexuara të 5 minutave të fundit

Kultura

Guida kulturore/ Filmi ‘Emili’ premierë në kinema Millennium, teatri ‘Anonimi i Venedikut’ rikthehet në Teatrin Kombëtar

Art, kulturë dhe spektakël. Në vijim, rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit.

Teatri “Anonimi i Venedikut” është shfaqja me Adelina Muçën dhe Hervin Çulin, që rikthehet në Teatrin Kombëtar. Kjo romancë dashurie dhe urrejtjeje do të shfaqet më 6,7 dhe 13 e 14 nëntor në orën 19:00 në Teatrin Kombëtar.

“Emili” titullohet filmi me regji nga Ajola Daja, që do të vijë premierë mbrëmjen e 7 nëntorit në kinema Millennium në Tiranë. Me skenar dhe regji nga Ajola Daja filmi tregon një marrëdhënie dhune në familje, që shihet në sytë e dy grave të shtëpisë, ndërsa roli kryesor interpretohet nga aktorja Arta Dobroshi.

“Striptizë në det të hapur” është shfaqja teatrore që vjen për publikun mbrëmjen e kësaj të mërkure në orën 19:00 në sallën “Black Box” të Akademisë së Arteve, për të vijuar në të njëjtën orë dhe në të njëjtin vend edhe mbrëmjen e 7 dhe 8 nëntorit. Pjesa është një satirë politike nga Slavomir Mrozhek dhe vjen nën përkthimin e Arbër Jakllarit dhe me regji nga Anxhelo Dauti.

“Gloomy Eyes”, një trilogji VR e animuar në 6DoF dhe 3D në kohë reale vjen te “Kub France” në Tiranë në 7 nëntor, në orën 18:00.  E prezantuar në hapjen e Sundance Festival dhe me mjaft çmime, “Gloomy Eyes” tregon historinë e diellit që ishte mërzitur me njerëzit dhe vendosi të fshihej e të mos ngrihej më, ndërsa është frymëzuar nga estetika e filmave në stop motion të Tim Burton.

“4 Mbretër” është filmi që shfaqet në “Goethe Zentrum” në Tiranë më 7 nëntor, në orën 17:30.  Drama e Theresa von Eltz është një film mbi vetminë, miqësinë dhe kërkimin e identitetit.

“E shkuar e pakryer” është libri i Ermal Hasimja, i cili promohet më 7 nëntor në orën 17:00 në Bibliotekën Publike “Marin Barleti” në Shkodër.

Në Pallatin e Kulturës “Hasan Prishtina” në Kukës çelen këtë të mërkurë në orën 12:00- 16:00 audicionet për shfaqjen “Tumja e Kajës”.

Shfaqja do të jetë një përshtatje e legjendës “Tumja e Kajës” e autorit Petrit Palushi, si shfaqje teatrale. Audicionet do të jenë të hapura për një javë, deri në 13 nëntor.

S.B/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit