POP 5

Lajmet më të lexuara të 5 minutave të fundit

Kronikë

Hapet materniteti i Beratit, ministrja e Shëndetësisë: Premtim i mbajtur! Rama: Tani kemi hapin tjetër, rritjen e pagave të mjekëve dhe infermierëve në qershor

Ndalesa e radhës e kryeministrit Edi Rama ishte në maternitetin e ri të Beratit, i cili ka hapur sot për herë të parë dyert pas rikonstruktimit. I shoqëruar nga ministrja e Shëndetësisë Ogerta Manastirliu, Rama inspektoi punimet e reja ndërsa tha se “ishte një fiksim i vjetër që kërkoi kohën e vet”.

Kryeministri e vuri theksin tek rritja e pagave për infermerët e mjekët, duke theksuar se ky është hapi tjetër që do merret duke nisur që nga muaji qershor.

“Tani hapi i radhës është rritja e mëtejshme e pagave në qershor, siç e kemi zotuar, me gjithë vështirësitë që na janë krijuar me këtë situate, por do ta bëjmë rritjen e pagave për mjekët, infermierët, mësuesit dhe ushtarakët.”

Ministrja Manastirliu tha se materniteti është investim i buxhetit të shtetit me vlerë 2.5 milionë euro.

"Është investim financuar nga buxheti i shtetit në vlerën 2.5 mln euro. Ka një kapacitet 50 shtretërish. Organizimi i katit të parë është i orientuar në konsulta. Ky investim, ndër gjithë të tjerat është bërë në një kohë të vështirë, gjatë pandemisë. Investimet nuk kanë ndalur. Është materniteti i katërt në krye te 4 viteve që është ndërtuar në kuadër te programit të nenës dhe fëmijës. Përpos gjithë investimit në infrastrukture, pajisjet janë të gjitha të reja, të sallave të operacionit, por edhe të mobilimit spitalor dhe pajisjeve mjekesore”, u shpreh Manastirliu.

Materniteti i ri i Beratit  hapi dyert për nënat e reja që do të sjellin në jetë foshnjat e tyre. Infrastruktura e re me një kapacitet prej 50 shtretërish dhe 3 salla operacioni, e pajisur me aparatura të teknologjisë bashkëkohore, përmbyll rilindjen e kompleksit spitalor të këtij qyteti.


Lajmi kryesor:

Rehabilitimi i zonave historike në Berat, Rama jep këshilla: Kopshti i Xhamisë Mbret të bëhet po aq i bukur siç përmendet edhe në Kuran
SI.E./Sh.Sh/Shqiptarja.com
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit