POP 5

Lajmet më të lexuara të 5 minutave të fundit

Ekonomi

Hapet tërësisht pista e Aeroportit të Vlorës, përfundon shtrimi i shtresës së parë (VIDEO)

Ka përfunduar faza e parë e punimeve të pistës në aeroportin ndërkombëtar të Vlorës. Kryeministri Edi Rama ka bërë me dije sot se është shtruar shtresa e parë e pistës, ndërsa vijojnë punimet për dy shtresat e tjera.

VLORË- Ka përfunduar faza e parë e punimeve të pistës në aeroportin ndërkombëtar të Vlorës. Kryeministri Edi Rama ka bërë me dije sot se është shtruar shtresa e parë e pistës, ndërsa vijojnë punimet për dy shtresat e tjera. Pista 3.2 kilometra është hapur krejtësisht, ndërsa punimet vijojnë ende për rrethimin e të gjithë sipërfaqes së aeroportit.

Në vitin 2023 pritet të nisë puna për ndërtimin e godinës, ndërsa kulla e vrojtimit, rreth 40 metra e lartë do të jetë ajo që do të marrë formë e para. Po vitin tjetër do të nisë puna edhe për ndërtimin e terminalit me sipërfaqe 1800 metra katrorë. Fluturimi i parë në aeroportin e Vlorës pritet të bëhet në vitin 2025.

Aeroporti i Vlorës, një investim mbi 100 milionë Euro, pritet që të hapë 1 mijë vende pune të reja, do të ulë çmimet e biletave dhe do ta kthejë Vlorën në portën më të rëndësishme turistike të rajonit. 

Më 20 prill 2021 u nënshkrua kontrata me kompaninë fituese për ndërtimin e aeroportit të Vlorës, që pritet të ndërtohet brenda 4 viteve të ardhshme dhe do të jetë i tretë aeroport në vend ku fluturimet do të jenë transoqeanike. Fitues për ndërtimin e tij u shpall konsorcium kompanish të themeluara në Zvicër, ku pjesa më e madhe e aksioneve 50% zotërohet nga Mabetex, kompania e biznesmenit Behgjet Pacolli, dhe 48% nga YDA Group firma që po ndërtoi Spitalin e Fierit me bazë në Ankara dhe 2% nga 2A group.

Konsorciumi fitues ofroi një vlerë investimi prej 103.9 milionë Eurosh dhe do të ketë operimin për 35 vjet të pistës së aeroportit.  Aeroporti i Vlorës do të jetë edhe baza për flotën e avionëve Air Albania, ndërsa për herë të parë aty do të ketë një zonë të veçantë për mirëmbajtjen e avionëve, një shërbim i ri i kërkuar nga kompani të huaja, i cili do të përkthehet në të ardhura dhe vende pune shtesë për zonën.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Antonio: 03/11/2022 21:39

    Aeroporti i Vlorës do të rrisë eksportin shqiptar të bimëve jeshile dhe mjekësore nga Lazarati dhe rajonit. Na duhet edhe aeroporti i Dibrës. Pse jeni të shqetësuar me këtë?

    Përgjigju
  • Paul: 01/11/2022 19:25

    o beu o gomar aeroportet na sjellin turiste o debil.....cfare do me teper,,,,turistet na sjellin para...

    Përgjigju
  • Paul: 01/11/2022 09:01

    mos harroni te beni dhe nje aeroport ne sarande,,,shkoder ,,korce,,gjirokaster....

    Përgjigju
  • beu: 31/10/2022 12:17

    cfare kuptimi ka te besh aeroport kaq te madh ne vlore i zot e di, nje rajonal i vogel i kuksit kishte kuptim, nga ana tjeter duhet te rritej ai i tiranes ,sepse ka nje one me 1,7 milion banore, qe jane gjate gjithe vitit, vlora sa do qe te zhvillohet do ngeli nje qytet 5 mujor per plazh, pastaj cfare do behet, do vijn pronaret e vilave me kalu fundjave ,sa do jene keta

    Përgjigju
    • unë pra: 25/04/2024 09:39

      ahahha sa inat që mbani. Aeroporti i Vlorës do përdoret nga i gjithë jugun: Fier, Berat, Gjirokastër etj. Kjo është një ënderr për ne, nuk do kemi më nevojë të bejmë Tiranë-Durrës, Durrës-etj. Jugorët do ta kenë shumë më kollaj vizitimin e Shqipërisë. Pastaj dihet që e kanë bërë më shumë për turistat, po edhe ne përfitojmë.

  • Or tej: 31/10/2022 11:04

    Do shkojme ne plazh nga Rinasi me avion meqe ne fundjava duhen 4 ore nga trafiku rrugor. I lumte peshtetareve or teeeejjj

    Përgjigju
  • Spartak: 31/10/2022 10:37

    Cfare skandali, cfare shkaterrimi i gjithe asaj zone nga ana mjedisore. E per cfare? Per nje aeroporr qe nuk do kete pune as per te mbajtur veten.

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit