POP 5

Lajmet më të lexuara të 5 minutave të fundit

Politikë

Tymese dhe flakë në Kuvend, zbardhen akuzat për Flamur Nokën dhe Albana Vokshi! Do referohen në SPAK

 

Flamur Noka dhe Albana Vokshi rrezikojnë burgun. Përveç masave nga komisioni i Etikës, deputetët e Rithemelimit do të përballen me drejtësinë për kaosin në seanca plenare, për shkatërrimin e karrigeve dhe zjarrin që shpërtheu nga flakadanët

Pasi ka mbledhur provat në sallën e Kuvendit bashkë me agjentë të Byrosë Kombëtare të Hetimit, policia referoi ngjarjen në SPAK për deputetët Albana Vokshi dhe Flamur Noka, që seancën e kësaj të hëne i vunë flakën letrave dhe tentuan t’i vendosin poshtë grumbullit me karrige, por u ndaluan nga Garda.

Akuzat janë për shkatërrim të pronës me zjarr dhe me mjete të tjera, të cilat sipas neneve 151 dhe 154 të Kodit Penal, dënohen nga gjobë deri në 5 vjet burg.

Përveç provave nga pamjet live të seancës dhe të kamerave të sigurisë, flakadanët do të dërgohen edhe për ekspertizë për të identifikuar ata që i kanë përdorur përmes gjurmëve të ADN-së

Seanca nisi me përplasje që në fillim kur deputetët mbështetës të Berishës refuzuan kontrollin e çantave ku fshehin tymueset dhe u konfrontuan me Gardën


Lajmi kryesor:

Rithemelimi përsërit kaosin në Kuvend, ndezin tymuese! Noka tenton t’i vërë flakën karrigeve pirg në foltore, çohet në SPAK bashkë me Vokshin, akuzat
SI.E./KT/Shqiptarja.com
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit