POP 5

Lajmet më të lexuara të 5 minutave të fundit

INSTAT: Në 2021 u rrit me 10.5 % numri i vdekjeve në vend! 52.4% e vdekjeve nga sëmundje të qarkullimit të gjakut

Viti 2021 shënon rritje me 10.5% më shumë vdekje në vend. Sëmundjet kryesore që u kanë marrë jetën shqiptarëve janë ato të qarkullimit të gjakut, sëmundje të zemrës dhe sëmundje të enëve të trurit

30.507 vdekje janë regjistruar në total gjatë vittit 2021 dhe shkaku kryesor i vdekjeve janë ato natyrale me 97.3% të vdekjeve gjithësej. Instituti i statistikave në vend raporton se ka pasur 10,5 % vdekje më shumë se viti paraardhës i cili ishte po ashtu pandemik.

Në listën e grupsëmundjeve që u kanë marrë më shumë jetën shqiptarëve janë ato të aparatit të qarkullimit të gjakut që zënë 52.4%, simptoma, shenja dhe sëmundje të papërcaktuara mirë 16,8 %, sëmundje të aparatit të frymëmarjes 11,8 % dhe tumoret 11,2 %.

Sipas qarqeve, koeficienti bruto më i lartë i vdekjeve vihet re në qarkun e Gjirokastrës me 1.841,0 për 100 mijë banorë, ndërsa më i ulëti në qarkun Kukës me 829,1 vdekje.

Numri i vdekjeve foshnjore në vitin 2021 është 228. Shkaqet kryesore të vdekshmërisë foshnjore (nën 1 vjeç) janë “Sëmundjet që shfaqen në periudhën rreth lindjes” me 43,9 % dhe “Ndërlikime në barrë, të lindjes dhe të periudhës së paslindjes” me 21,1 % të vdekjeve gjithsej të kësaj grup-moshe.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit