POP 5

Lajmet më të lexuara të 5 minutave të fundit

Ekonomi

INSTAT: Rritet rreth 7% Produkti i Brendshëm në tremujorin e tretë në raport me 2021! Në 9 muaj rritja ekonomike ishte 10.1%

Pas hovit të madh të rikuperimit në tremujorin e dytë, ekonomia e vendit gjatë muajve të sezonit turistik u rrit me 6.99%. Sipas të dhënave të INSTAT kontributin më të madh pozitiv e ka dhënë turizmi, ndërkohë në 9 mujor rritja është mbi pritshmëritë e institucioneve me 10.1%.

Ekonomia ka vijuar rikuperimin edhe në tremujorin e tretë të vitit e ndikuar më së shumti nga sezoni turistik.INSTAT raporton se në tremujorin e tretë të vitit Prodhimi i Brendshëm Bruto u rrit me 6.99% krahasuar me të njëjtën periudhë të vitit të kaluar. Ndërkohë si 9 mujor pra janar-shtator rritja ekonomike rezulton mbi pritshmëritë e institucioneve konkretisht me 10.1%, në raport me vitin e kaluar.

Sipas raportit kontributin më të madh pozitiv në rritjen ekonomike e ka dhënë turizmi më 2.41%, ndjekur nga industria, energjia dhe uji me 1.03%, administrata publike me 0.83%, aktivitetet financiare me 0.60%, Taksat Neto +1,30% etj.

Negativisht në rritjen ekonomike kanë kontribuar Aktivitete profesionale -0,23%, Arte, argëtim dhe çlodhje -0,05%. Ndërsa tre degët kryesore të ekonomisë kanë qenë aktivitetet financiare dhe të sigurimit me rritje 27,71% në krahasim me të njëjtën periudhë të vitit të kaluar, tregtia transporti dhe hoteleria me rritje prej 13,76 si dhe taksat neto me + 10,37%.

Rikuperimi ekonomik këtë vit ishte i pritshëm, pasi Shqipëria ndryshe nga shumë vende të rajonit dhe të Evropës, nuk aplikoi masa të rrepta anti-COVID, dhe përgjatë sezonit veror, ishte në fuqi vetëm ora policore, ndërsa në kufi nuk kishte kufizime për turistët.

Tremujori i katërt i vitit është vendimtari për të pasur rritjen e saktë të ekonomisë këtë vit. Sakaq parashikimet e institucioneve vendase dhe të huaja është që ekonomia e Shqipëri të rritet deri në 7.8%.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit