POP 5

Lajmet më të lexuara të 5 minutave të fundit

Kronikë

Ish-deputeti i PS: Sulmet për fizikun e Braçes dhe vendlindjen e Cakajt, nga fashistoidë dhe shqiptarofobë

Menjëherë pasi kryeministri Edi Rama njoftoi ndryshimet në kabinetin qeveritar, nuk kanë munguar komentet pikante dhe ironike kryesisht në rrjetet sociale për zv/kryeministrin e ri Erion Braçe por edhe për ministrin e Jashtëm, Gent Cakaj.

Ish-deputeti i PS: Sulmet për fizikun e Braçes dhe vendlindjen e Cakajt, nga fashistoidë dhe shqiptarofobë

Besa Shahini, Gent Cakaj dhe Erion Braçe

Ndryshimet e fundit në Qeveri, ku u larguan plot shtatë ministra, janë komentuar gjerësisht në media dhe rrjetet sociale. Nuk kanë munguar komentet pikante dhe ironike kryesisht në rrjetet sociale për zv/kryeministrin e ri Erion Braçe por edhe për ministrin e Jashtëm, Gent Cakaj. Këto sulme i ka dënuar ish-deputeti socialist, aktualisht drejtori i AKEP-it, Ilir Zela, i cili iu ka kthyer përgjigje të gjithë atyre personave që merren me anën fizike të ministrave sidomos të zv/kryeministrit të propozuar, apo dhe me vendlindjen e tyre. Në një ragim të fortë Ilir Zela, që ka qenë njëri ndër kryetarët e parë të FRESSH dhe njëherësh ka pasur detyra të rëndësishme në PS e qeveri, i cilëson akuzuesit fashistoidë.

“Ç’jane keta fashistoide te cilet merren me fizikun e Erjon Braçes dhe jo me idete e tij? Ç’jane keta shqiptarofobe te cilet merren me krahinen matane Drinit te shtetasit shqiptar Gent Cakaj dhe jo me performancen e tij ne Ministrine e Jashtme? Henri Kisinger lindi ne Bavari por drejtoi diplomacine e SHBA me shune sukses! Po Gent Cakaj ç’faj ka qe nuk ka lindur ne fshatin e atyre qe i etiketojne vendlindjen?! Hapeni mendjen o njerez te ngushte! Ne share Urimi me i perzemert per Erjon Braçen! Bashkohem dhe une me urimin e Dianes!”, reagon Zela.

Postimi i Zelës në rrjetet sociale

Në postimin e tij ai shton edhe urimin e Diana Gellçit për zv/kryeministrin e ri: “E kam njohur Erion Bracen kur ishte djalosh i ri fare dhe prej 30 vitesh vazhdoj ta admiroj per vitalitetin, ndershmerine dhe seriozitetin qe tregon si qytetar dhe politikan. Si e cale, qysh heret kam kuptuar se kur dikush merret me kembet, hunden, apo veshet, nuk ka gjetur tjeter per te te share. Miq te nderuar, lereni metrin e unit; gezohuni qe tani do te keni edhe nje dere tjeter te celur! Urime i madhi Erion Brace!"

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Konjak: 01/02/2019 20:22

    Mundet, qe disa mga ministrat e z ministrat,ndokush ti kete anatemuar nga aftesite fizike apo nga vendlindia;sigurisht qe jane gabim.Por gjendia e keqe e shtetit dhe e popullit ,eshte e duksheme.Nga na lind e drejta te themi :Qeverisia e shtetit ,ka fytyren e politikaneve qe e drejtojne.

    Përgjigju
  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit