POP 5

Lajmet më të lexuara të 5 minutave të fundit

Kronikë

VIDEO/ Ishin të fshehura brenda një tavoline druri, dalin pamjet e sekuestrimit të 8 pistoletave në Durrës! Në pranga shoferi i furgonit, do i trafikonte në Angli

Pistoletat që nga Shqipëria do të shkonin në Britani, u zbuluan në brendësi të një tavoline e ngarkuar si pako në furgon. Shoferi Jetmir Kaloshi i arrestuar për trafik armësh, deklaroi se nuk kishte dijeni për armët, por thjesht merrte porositë dhe i dërgonte në adresat që ia kërkonin

DURRËS- Në brendësi të një tavoline druri policia dhe autoritetet doganore të Durrësit zbuluan 8 armë zjarri pistoleta mbështjellë me qese plastike. Operacioni nisi pas një informacioni të fshehtë, për furgonin e dyshimtë me targa angleze KS15NZN me destinacion Anglinë, që do të imbarkohej në tragetin e linjës Durrës-Ankona.

Sinjalet u dhanë kur fillimisht mjeti kaloi në skaner, më pas u ushtrua kontroll. Tryeza ishte vendosur në pjesën e bagazheve rreth 1 metër e gjysmë e gjatë e mbështjellë me letër transparente. Pas kontrollit edhe me qen u gjetën 6 pistoleta glock, 1 browning dhe 1 helstar, këto dy të fundit relativisht të reja, bashke me 200 fishekë.

Shoferi i furgonit, Jetmir Koloshi, 35 vjeç, me banim në Tiranë u arrestua, por gjatë marrjes në pyetje nuk pranoi  të kishte dijeni për fshehjen e armëve. Koloshi tha se bën vetëm transport të mallrave të ndryshëm dhe pakove që u dërgohen familjarëve shqiptarë drejt Lutonit në Angli.

Ai akuzohet për veprën penale “Trafikimi i armëve dhe i municionit”. Policia po verifikon personin qe ka dorëzuar tavolinën në furgonin e pakove nga Shqipëria në Angli dhe po ashtu edhe verifikime mbi adresën e personit që do ta merrte.

Për këtë rast është përfshirë në hetime edhe SPAK, i cili dyshon se mund të ketë edhe persona të tjerë të përfshirë në trafikun e armëve.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit