POP 5

Lajmet më të lexuara të 5 minutave të fundit

Bota

Itali/ Treni i shpejtësisë së lartë del nga shinat, vdesin dy makinistët! Të paktën 30 të plagosur (VIDEO)

Nga aksidenti kanë dalë nga binarët dy vagona të trenit së bashku me lokomotivën. Ndërkohë trafiku në këtë linjë hekurudhore është pezulluar për të paktën 60 minuta.

Një aksident i rëndë hekurudhorë ka ndodhur sot në Lombardi, në provincën e Lodi, rreth orës 5:30 minuta ku një tren i shpejtësisë së lartë ka dalë nga shinat dhe është përmbysur.

Si pasojë e aksidentit kanë humbur jetën dy makinistët dhe rreth 30 pasagjerë janë plagosur.

Treni ishte nisur nga qyteti i Milanos dhe ishte drejtuar për në Salerno.

Duket se lokomotiva është shkëputur nga pjesa tjetër e trenit, ka dalë nga shinat dhe është përmbysur rreth 400 m larg shinave.

Për momentin viktimat e konfirmuara janë vetëm dy drejtuesit e trenit, rreth 30 vjeç kurse rreth 30 persona, përfshirë udhëtarët dhe stafin, janë plagosur dhe janë dërguar në spitalet e zonës.

Në vendngjarje kanë mbërritur ambulancat dhe ekipet e mjekëve, forcat e karabinierisë, policisë dhe zjarrëfikësit, të cilët ndihmuan në nxjerrjen e pasagjerëve nga vagonët.

Ky nuk është i vetmi aksident hekurudhorë. Në vitin 2018 në Pioltello, në afërsi të Milanos, një tren udhëtarësh me 350 udhëtarët në bord , doli nga shinat disa kilometra larg stacionit të Pioltello. Në aksident gjetën vdekjen tre pasagjerë dhe dhjetra të tjerë u plagosën.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit